കേരള ഭാഷാ ഇന്സ്റ്റിറ്റ്യൂട്ടിന്റെയും കാസര്കോട് ഗവ. കോളേജ് മലയാള വിഭാഗത്തിന്റെയും സംയുക്താഭിമുഖ്യത്തില് ‘ബഹുഭാഷക സമൂഹം: ഭാഷാ ജനാധിപത്യത്തിന്റെ വര്ത്തമാനം’ എന്ന വിഷയത്തില് സംഘടിപ്പിച്ച ഏകദിന സെമിനാര് കോളെജ് പ്രിന്സിപ്പാള് ഡോ. വി.എസ്. അനില്കുമാര് ഉദ്ഘാടനം ചെയ്തു. കേരള ഭാഷാ ഇന്സ്റ്റിറ്റ്യൂട്ട് ഡയറക്ടര് ഡോ. സത്യന് എം.അധ്യക്ഷത വഹിച്ചു. കണ്ണൂര് സര്വ്വകലാശാലാ സെനറ്റംഗം ഡോ.ആസിഫ് ഇഖ്ബാല് കാക്കശ്ശേരി, കോളെജ് വൈസ് പ്രിന്സിപ്പല് ഡോ.മിനി പി.വി., ഐ.ക്യു.എ.സി കോര്ഡിനേറ്റര് ഡോ.പുഷ്പലത പി, കന്നട വിഭാഗം മേധാവി സുജാത.എസ് എന്നിവര് സംസാരിച്ചു. മലയാളവിഭാഗം മേധാവി ശ്രീകലഎ.പി സ്വാഗതവും അസി. പ്രൊഫസര് ഡോ.രാജീവ്.യു നന്ദിയും പറഞ്ഞു.
തുടര്ന്ന് ‘ബഹുഭാഷാ സാംസ്കാരികത നേരിടുന്ന വെല്ലുവിളികള്’ എന്ന വിഷയത്തില് നടന്ന സെഷനില് കേരള കേന്ദ്രസര്വ്വകലാശാല മലയാളവിഭാഗം അസോസിയേറ്റ് പ്രൊഫസര് ഡോ.ആര്. ചന്ദ്രബോസ്, എഴുത്തുകാരനും വിവര്ത്തകനുമായ കെ.വി കുമാരന് മാസ്റ്റര് എന്നിവര് വിഷയാവതരണം നടത്തി സംസാരിച്ചു. കാസര്കോട് ഗവ. കോളെജ് മലയാളവിഭാഗം മേധാവി ശ്രീകല എ.പി. മോഡറേറ്ററായി. കേരള ഭാഷാ ഇന്സ്റ്റിറ്റ്യൂട്ട് റിസര്ച്ച് ഓഫീസര്മാരായ അമ്പിളി ടി.കെ. സ്വാഗതവും കെ.ആര് സരിതകുമാരി നന്ദിയും പറഞ്ഞു.
ദ്വിഭാഷാ ‘നിഘണ്ടു നിര്മ്മാണം പ്രശ്നങ്ങളും പ്രതിസന്ധികളും’ എന്ന വിഷയത്തില് നടന്ന സെഷനില് വിവര്ത്തകന് ജയറാം ബി.ടി വിഷയാവതരണം നടത്തി സംസാരിച്ചു. കസര്കോട് ഗവ. കോളേജ് മലയാളവിഭാഗം അസി.പ്രൊഫസര് ഡോ.ദീപ എസ്.എസ്. മോഡറേറ്ററായി. കസര്കോട് ഗവ. കോളേജ് മലയാളവിഭാഗം അസി.പ്രൊഫസര് ഡോ.പൂര്ണിമ ടി സ്വാഗതവും മലയാളവിഭാഗം വിദ്യാര്ത്ഥി ഹരണ്രാജ് നന്ദിയും പറഞ്ഞു.