പാലക്കാട്: പാലക്കാട് കൊഴിഞ്ഞാമ്പാറയില് യുവാവിനെ വീട്ടില് കയറി വെട്ടിക്കൊന്നു. കൊഴിഞ്ഞാമ്പാറ കരംപൊറ്റ സ്വദേശി സന്തോഷാണ് കൊല്ലപ്പെട്ടത്. ഇന്നലെ രാത്രി പത്ത് മണിയോടെയാണ് വീട്ടിലേക്ക് അതിക്രമിച്ച് കയറിയയാള് സന്തോഷിനെ വെട്ടിക്കൊലപ്പെടുത്തിയത്.
സന്തോഷിനെ ആക്രമിച്ച ശേഷം ഇയാള് ഇവിടെ നിന്നും രക്ഷപ്പെട്ടു. പ്രതിയെ പറ്റി സൂചന ലഭിച്ചെന്നാണ് പൊലീസ് വ്യക്തമാക്കുന്നത്. പ്രതിക്കായി കൊഴിഞ്ഞമ്പാറ പൊലീസ് തിരച്ചില് നടത്തുകയാണ്. സംഭവത്തിന്റെ കൂടുതല് വിവരങ്ങള് പൊലീസ് പുറത്തുവിട്ടിട്ടില്ല. മൃതദേഹം ആശുപത്രിയിലേക്ക് മാറ്റി.