കാഞ്ഞങ്ങാട്: കിഴക്കുംകര പുള്ളിക്കരിങ്കാളിയമ്മ ദേവസ്ഥാനം കളിയാട്ട മഹോത്സവത്തിന്റെ ഭാഗമായി കോട്ടച്ചേരി പട്ടറെ കന്നിരാശി വയനാട്ടുകുലവന് ദേവസ്ഥാനം കോട്ടച്ചേരി തിരുമുല്ക്കാഴ്ച കമ്മറ്റിയുടെ നിധി ശേഖരണം ഉദ്ഘാടനം നടന്നു. ജില്ലാ വ്യവസായ കേന്ദ്രം ജനറല് മാനേജര് കെ സജിത് കുമാര് പരിപാടി ഉദ്ഘാടനം ചെയ്തു. സിനിമാതാരം അപര്ണ ഹരി മുഖ്യാതിഥിയായിരുന്നു.
ആദ്യ നിധി രമ ബാലകൃഷ്ണനില് നിന്നും കിഴക്കുംകര പുള്ളിക്കരിങ്കാളിയമ്മ ദേവസ്ഥാനം കാര്ന്നോച്ചന് രാമകൃഷ്ണന് കാരണവര് ഏറ്റുവാങ്ങി. കാഴ്ച ആഘോഷ കമ്മിറ്റി പ്രസിഡണ്ട് പ്രകാശന് ഇട്ടമ്മല് അധ്യക്ഷത വഹിച്ചു. അജാനൂര് ഗ്രാമപഞ്ചായത്ത് മെമ്പര് കെ. വി. ലക്ഷ്മി, പുള്ളിക്കരിങ്കാളി അമ്മ ദേവസ്ഥാനം സെക്രട്ടറി സതീശന് പടിക്കാല്, ഷംസു പാലക്കി, ഹമീദ് ചേരക്കാടത്ത്, എന്നിവര് സംസാരിച്ചു. ഗോകുല് ഇട്ടമ്മല് സ്വാഗതവും രമേശന് കല്പക നന്ദിയും പറഞ്ഞു.