രാജപുരം: 2025 മാര്ച്ച് 21, 22, 23 തിയ്യതികളില് നടക്കുന്ന പനത്തടി താനത്തിങ്കാല് വയനാട്ടുകുലവന് തെയ്യം കെട്ട് മഹോത്സത്തിന്റെ ഭക്ഷണത്തിനാവശ്യമായ വിഷരഹിത ജൈവ പച്ചക്കറി കൃഷിക്ക് വിത്തിടല് ഉത്സവം പനത്തടി പാണ്ഡ്യാലക്കാവ് ക്ഷേത്ര പാടശേഖരത്തില് പനത്തടി സെന്റ് ജോസഫ് ഫോറോന ചര്ച്ച് അസി.വികാരി റവ. ഫാദര് ആശിഷ് അറയ്ക്കല് ഉദ്ഘാടനം ചെയ്തു. ആഘോഷ കമ്മിറ്റി ചെയര്മാന് എന് ബാലചന്ദ്രന് നായര് അധ്യക്ഷത വഹിച്ചു.
കള്ളാര് മഹാവിഷ്ണു ക്ഷേത്രം പ്രസിഡന്റ് എച്ച് വിഘ്നേശ്വര ഭട്ട് മുഖ്യാതിഥിയായി. പനത്തടി പഞ്ചായത്തംഗങ്ങളായ രാധ സുകുമാരന്, എന് വിന്സെന്റ്, പനത്തടി കൃഷി അസിസ്റ്റന്റ് ചക്രപാണി, മാത്യൂസ് കേളച്ചേരി, അബ്ദുള്ള പനത്തടി, മനോജ് പുല്ലുമല, വിവി കുമാരന്, കെ സുകുമാരന്, ഗീത ഗംഗാധരന്, മാധവി ജനാര്ദ്ദനന് തുടങ്ങിയവര് സംസാരിച്ചു. അഘോഷ കമ്മിറ്റി ജനറല് കണ്വീനര് കൂക്കള് ബാലകൃഷ്ണന് സ്വാഗതവും ടി പി ശശികുമാര് നന്ദിയും പറഞ്ഞു.