സംസ്ഥാനത്ത് അടുത്ത മാസവും ഉപഭോക്താക്കളില് നിന്ന് സര്ചാര്ജ് ഈടാക്കും. വൈദ്യുതിക്ക് 19 പൈസ നിരക്കിലാണ് ഡിസംബറിലും സര്ചാര്ജ് ഈടാക്കാനുള്ള തീരുമാനത്തിലേക്ക് കെഎസ്ഇബി എത്തിയത്. ഏറ്റവും പുതിയ റിപ്പോര്ട്ടുകള് പ്രകാരം, കെഎസ്ഇബി സ്വന്തം നിലയ്ക്ക് യൂണിറ്റിന് 10 പൈസ ഈടാക്കാന് വിജ്ഞാപനമിറക്കിയിട്ടുണ്ട്. അതേസമയം, റെഗുലേറ്ററി കമ്മീഷന് അനുവദിച്ച 9 പൈസ ഈടാക്കുന്നത് ഇത്തവണയും തുടരുന്നതാണ്. കൂട്ടിയ നിരക്കിന് പുറമേയാണ് ഉപഭോക്താക്കളില് നിന്ന് സര്ചാര്ജും ഈടാക്കുന്നത്.
പുറത്തുനിന്ന് വൈദ്യുതി വാങ്ങുമ്പോള് ഉണ്ടാകുന്ന അധിക ചെലവാണ് സര്ചാര്ജായി ഈടാക്കാറുള്ളത്. അതിനാല്, ഒക്ടോബര് വരെ വൈദ്യുതി വാങ്ങുന്നതിനുണ്ടായ അധിക ചെലവാണ് അടുത്ത മാസം ഈടാക്കുക. 85.05 കോടിയാണ് അധിക ചെലവ്. ഇത് ഈടാക്കാന് യൂണിറ്റിന് യഥാര്ത്ഥത്തില് 24 പൈസ ചുമത്തണം. എന്നാല്, സ്വന്തം നിലയ്ക്ക് പരമാവധി 10 പൈസ ഈടാക്കാന് മാത്രമാണ് കമ്മീഷന് ബോര്ഡിനെ അനുവദിച്ചിട്ടുള്ളൂ.