തിരുവനനന്തപുരം: സംസ്ഥാനത്ത് ഇന്നും കനത്ത മഴ തുടരുമെന്ന് കാലാവസ്ഥാ കേന്ദ്രത്തിന്റെ അറിയിപ്പ്. കോഴിക്കോട് മുതല് കാസര്കോട് വരെയുള്ള വടക്കന് ജില്ലകളില് ഇന്ന് ഓറഞ്ച് അലര്ട്ട് പുറപ്പെടുവിക്കും.എറണാകുളം മുതല് മലപ്പുറം വരെയുള്ള അഞ്ച് ജില്ലകളില് യെല്ലോ അലര്ട്ടാണ്.നാളെയും കോഴിക്കോട് മുതല് കാസര്കോട് വരെ യെല്ലോ അലര്ട്ട് മുന്നറിയിപ്പുണ്ട്. മത്സ്യ ബന്ധനത്തിനുള്ള വിലക്ക് തുടരുകയാണ്. കേരളാ തീരത്ത് ഇന്നും നാളെയും ഉയര്ന്ന തിരമാലകള്ക്ക് സാധ്യതയുണ്ട്. കണ്ണൂര്, കാസര്കോട് തീരങ്ങളില് പ്രത്യേക ജാഗ്രത വേണമെന്നും മുന്നറിയിപ്പുണ്ട്.അതേസമയം വയനാട്ടില് മഴയ്ക്ക് നേരിയ ശമനമുണ്ട്. ജില്ലയില് ഇന്ന് കൂടി എല്ലാ വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിച്ചിട്ടുണ്ട്. 45 ക്യാമ്ബുകളാണ് വയനാട്ടില് തുടങ്ങിയിരിക്കുന്നത്. ഇതില് 421 കുടുംബങ്ങളിലെ 1403 പേര് ക്യാമ്ബില് തുടരുകയാണ്. തുടര്ച്ചയായ മഴയ്ക്ക് പിന്നാലെ വെള്ളം കയറിയ വള്ളിയൂര്ക്കാവ്, പനമരം ഉള്പ്പെടെയുള്ള സ്ഥലങ്ങളില് ഇപ്പോഴും കനത്ത വെള്ളക്കെട്ട് തുടരുകയാണ്.