തിരുവനന്തപുരംന്മ കനത്ത മഴയുടെ പശ്ചാത്തലത്തില് സംസ്ഥാനത്തെ 7 ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ഇന്ന് അവധി.വയനാട്, കോഴിക്കോട്, കണ്ണൂര്, തൃശൂര്, മലപ്പുറം എറണാകുളം ജില്ലകളിലെ പ്രഫഷനല് കോളജ് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ഇന്ന് അവധിയായിരക്കും.കാസര്കോട് ജില്ലയില് സ്കൂളുകള്ക്ക് മാത്രമാണ് അവധി. കോളജുകള്ക്ക് അവധി ബാധകമല്ല. മാഹിയിലും ഇന്ന് വിദ്യാഭ്യാസ സ്ഥാപനങ്ങള്ക്ക് അവധിയാണ്. സംസ്ഥാനത്ത് ഇന്ന് അതിതീവ്ര മഴ മുന്നറിയിപ്പാണുള്ളത്. മലപ്പുറം, കണ്ണൂര്, കാസര്കോട് ജില്ലകളില് ഇന്ന് റെഡ് അലര്ട്ടാണ്.എറണാകുളം, തൃശൂര്, പാലക്കാട്, കോഴിക്കോട്, വയനാട് ജില്ലകളില് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. പത്തനംതിട്ട, ആലപ്പുഴ, കോട്ടയം, ഇടുക്കി ജില്ലകളില് യെലോ അലര്ട്ടായിരിക്കും. കോട്ടയം ഉള്പ്പെടെയുള്ള ജില്ലകളില് ഒറ്റപ്പെട്ടയിടങ്ങളില് കനത്ത മഴ പെയ്യുന്നുണ്ട്.വടക്കന് കേരളത്തില് കനത്ത മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. കേരളാ തീരത്ത് ഉയര്ന്ന തിരമാലകള്ക്കും സാധ്യതയുണ്ട്. മത്സ്യബന്ധനത്തിനു വിലക്കേര്പ്പെടുത്തിയിട്ടുണ്ട്. വടക്കന് കേരള തീരം മുതല് ഗുജറാത്ത് തീരം വരെയായി ന്യൂനമര്ദ പാത്തി സ്ഥിതി ചെയ്യുന്നുണ്ട്.പശ്ചിമ ബംഗാളിനും ജാര്ഖണ്ഡിനും ഒഡിഷക്കും മുകളിലായി ചക്രവാതച്ചുഴിയും ഉണ്ട്. കേരള തീരത്ത് പടിഞ്ഞാറന്, വടക്കു പടിഞ്ഞാറന് കാറ്റ് ശക്തി പ്രാപിക്കുകയാണ്. ഇതിന്റെ സ്വാധീനഫലമായാണ് മഴ തുടരുന്നത്.