രാജപുരം: കോടോം ബേളൂര് ഗ്രാമപഞ്ചായത്തില് കന്നുകുട്ടികള്ക്കുള്ള ബ്രൂസല്ലോസിസ് വാക്സിനേഷന് ക്യാമ്പയ്ന് ആരംഭിച്ചു. ദേശീയ ജന്തുരോഗ നിയന്ത്രണ പദ്ധതി ബ്രൂസല്ലോസിസ് വാക്സിനേഷന് രണ്ടാം ഘട്ടത്തിന്റെ ഭാഗമായി മൃഗ സംരക്ഷണ വകുപ്പ് – വെറ്റിനറി ഡിസ്പെന്സറി കാലിച്ചാനടുക്കത്തിന്റെയും, കോടോം ബേളൂര് ഗ്രാമപഞ്ചായത്തിന്റെയും സംയുക്താഭിമുഖ്യത്തില് നടത്തപെടുന്ന ബ്രൂസെല്ലോസിസ് പ്രതിരോധ കുത്തിവെപ്പ് ക്യാമ്പ് പഞ്ചായത്ത് പ്രസിഡന്റ് ശ്രീജ പി ഉദ്ഘാടനം ചെയ്തു. കന്നുകാലികളില് അബോര്ഷന് ഉണ്ടാകുന്ന ബാക്ടീര്യ ജന്യമായ ബ്രൂസെല്ലോസിസ് എന്ന രോഗം ക്ഷീര കര്ഷകര്ക്ക് സാമ്പത്തിക നഷ്ടം വരുത്തി വയ്ക്കുന്നു എന്നതില് ഉപരി മനുഷ്യരിലേക്ക് പകരുന്ന ഒരു ജന്തുജന്യ രോഗമാണ് . 4 മാസം മുതല് 8 മാസം പ്രായമുള്ള എരുമ, പശു കിടാരികള്ക്കാണ് പ്രതിരോധ കുത്തിവെപ്പ് നല്കേണ്ടത്.പഞ്ചായത്തിന്റെ വിവിധ സ്ഥലങ്ങളില് വെച്ച് നടക്കുന്ന ക്യാമ്പുകളില് കന്നുകുട്ടികളെ കുത്തിവെപ്പിന് വിധേയമാക്കണമെന്ന് വെറ്റിനറി സര്ജന് അറിയിച്ചു.. സ്റ്റാന്ഡിങ് കമ്മറ്റി ചെയര്പേഴ്സണ് ഷൈലജ, വാര്ഡ് മെമ്പര് നിഷ, വെറ്റിനറി സര്ജന് ഡോ. അഞ്ചിത ശിവന്, ലൈവ്സ്റ്റോക്ക് ഇന്സ്പെക്ടര്മാരായ ജിതിന്. ഒ. ആര്, മിറ്റേഷ്. വി. പി, ഗോപാലന്. കെ. എന്,അറ്റെന്ഡന്റ് ജയന്തി എന്നിവര് ചടങ്ങില് പങ്കെടുത്തു.