തിരുവനന്തപുരം: ലോക്സഭാ തെരഞ്ഞെടുപ്പ് ഫലത്തിന്റെ പിന്നാലെ അഞ്ചുദിവസം നീണ്ടുനില്ക്കുന്ന സിപിഎം നേതൃയോഗങ്ങള്ക്ക് ഇന്ന് തുടക്കമാകും.ക്ഷേമ പെന്ഷന് മുടങ്ങിയതടക്കമുള്ള ജനക്ഷേമ പ്രവര്ത്തനങ്ങള് തടസ്സപ്പെട്ടതും, ഭരണവിരുദ്ധ വികാരം ആഞ്ഞടിച്ചതും തോല്വിക്ക് കാരണമായി എന്നാണ് വിലയിരുത്തല്.സര്ക്കാരിന്റെ പ്രവര്ത്തന ശൈലിയിലും, പാര്ട്ടിയുടെ നയസമീപനങ്ങളിലും ആത്മ പരിശോധനയും തിരുത്തും വേണമെന്ന ആവശ്യവും ശക്തമാണ്. ജനറല് സെക്രട്ടറി സീതാറാം യെച്ചൂരി അടക്കമുള്ള കേന്ദ്ര നേതാക്കളും യോഗത്തില് പങ്കെടുക്കുന്നുണ്ട്.രണ്ടു ദിവസം സംസ്ഥാന സെക്രട്ടറിയേറ്റും മൂന്ന് ദിവസം സംസ്ഥാന കമ്മിറ്റിയുമാണ് ചേരുന്നത്. ഭരണവിരുദ്ധ വികാരമല്ല തോല്വിക്ക് കാരണമെന്ന് മുഖ്യമന്ത്രി ആവര്ത്തിക്കുമ്ബോഴും, പാര്ട്ടി നേതൃത്വം അത് മുഖവിലയ്ക്ക് എടുക്കുന്നില്ല.