സൗദിഅറേബ്യയിലെ ആരോഗ്യമന്ത്രാലയത്തില് മക്കസിറ്റിയിലേയ്ക്ക് കാര്ഡിയാക് ഇമേജിംഗ് സ്പെഷ്യലിസ്റ്റ് – എക്കോ, കാര്ഡിയാക് ടെക്നോളജി സ്പെഷ്യലിസ്റ്റ് , കാത്ത് ലാബ് വിഭാഗങ്ങളിലെ ഒഴിവുകളിലേയ്ക്ക് നോര്ക്ക റൂട്ട്സ് റിക്രൂട്ട്മെന്റ് സംഘടിപ്പിക്കുന്നു. മക്ക നഗരത്തില് ജോലിചെയ്യാന് താല്പര്യമുളള മുസ്ലീം വിഭാഗത്തില്പെട്ട ഉദ്യോഗാര്ത്ഥികള്ക്ക് മാത്രമാണ് അപേക്ഷിക്കാനാകുക. പ്രസ്തുത വിഭാഗങ്ങളില് ബി.എസ്.സി വിദ്യാഭ്യാസയോഗ്യതയും കുറഞ്ഞത് രണ്ടു വര്ഷത്തെ പ്രവൃത്തിപരിചയമുളള ഉദ്യോഗാര്ത്ഥികള്ക്ക് അപേക്ഷിക്കാം. അപേക്ഷകര് മുന്പ് SAMR പോര്ട്ടലില് രജിസ്റ്റര് ചെയ്തവരാകരുത്. കുറഞ്ഞത് ആറുമാസത്തെ കാലാവധിയുളള സാധുതയുളള പാസ്പോര്ട്ടും ഉളളവരാകണം. അഭിമുഖസമയത്ത് പാസ്സ്പോര്ട്ട് ഹാജരാക്കേണ്ടതാണ്.
വിശദമായ CV യും വിദ്യാഭ്യാസം, പ്രവര്ത്തിപരിചയം, പാസ്സ്പോര്ട്ട് എന്നിവയുടെ പകര്പ്പുകള് സഹിതം rmt3.norka@kerala.gov.in എന്ന ഇ-മെയില് ഐ.ഡിയിലേയ്ക്ക് 2024 മാര്ച്ച് 04 രാവിലെ 11 മണിക്കകം അപേക്ഷ നല്കേണ്ടതാണ്. കൂടുതല് വിവരങ്ങള്ക്ക് നോര്ക്ക റൂട്ട്സ് ഗ്ലോബല് കോണ്ടാക്ട് സെന്ററിന്റെ ടോള്ഫ്രീ നമ്പറുകളില് 1800-425-3939 (ഇന്ത്യയില് നിന്നും) +91 8802012345 (വിദേശത്ത് നിന്നും-മിസ്ഡ് കോള് സൗകര്യം) ബന്ധപ്പെടാവുന്നതാണ്. കേന്ദ്ര വിദേശകാര്യ മന്ത്രാലയത്തിന്റെ അംഗീകാരമുള്ള ഇന്റര്നാഷണല് റിക്രൂട്ട്മെന്റ് ഏജന്സികൂടിയാണ് സംസ്ഥാനസര്ക്കാര് സ്ഥാപനമായ നോര്ക്ക റൂട്ട്സ് (REC.LICENCE NUMBER: B-549/KER/COM/1000+/05/8760/2011).