ഡല്‍ഹി: നിയമസഭാ തെരഞ്ഞെടുപ്പ് നടക്കാനിരിക്കുന്ന അഞ്ച് സംസ്ഥാനങ്ങളില്‍ വോട്ടര്‍മാരുടെ എണ്ണത്തില്‍ വന്‍ ഇടിവ്. നിശ്ചിത വിവരശേഖരണത്തിലൂടെയും ശാസ്ത്രീയ പരിശോധനയിലൂടെയും കരട് വോട്ടര്‍ പട്ടിക പുതുക്കിയപ്പോള്‍ ആകെ വോട്ടര്‍മാരില്‍ 12.2 ശതമാനത്തിന്റെ കുറവുണ്ടായി. 18.71 കോടിയില്‍ നിന്ന് 2.29 കോടി വോട്ടര്‍മാര്‍ കുറഞ്ഞ് നിലവില്‍ 16.43 കോടിയായാണ് വോട്ടര്‍മാരുടെ എണ്ണം എത്തിയത്.
വോട്ടര്‍മാരുടെ എണ്ണത്തിലുണ്ടായ ഈ ഇടിവില്‍ 90 ശതമാനവും ഉത്തര്‍പ്രദേശിലാണ്. ഉത്തര്‍പ്രദേശില്‍ മാത്രം 2.89 കോടി വോട്ടര്‍മാരുടെ കുറവുണ്ടായി (15.44 കോടിയില്‍ നിന്ന് 13.40 കോടിയായി കുറഞ്ഞു). പഞ്ചാബില്‍ 14 ലക്ഷം വോട്ടര്‍മാര്‍ കുറഞ്ഞ് 2.01 കോടിയായും ഉത്തരാഖണ്ഡില്‍ 8 ലക്ഷം വോട്ടര്‍മാര്‍ കുറഞ്ഞ് 72 ലക്ഷമായും മാറി. മണിപ്പൂരില്‍ 1.30 ലക്ഷവും ഗോവയില്‍ 1.27 ലക്ഷവും വോട്ടര്‍മാരുടെ കുറവ് രേഖപ്പെടുത്തിയിട്ടുണ്ട്. വരാനിരിക്കുന്ന ജനുവരി 1-ന് മുന്‍പ് 18 വയസ്സ് തികയുന്ന യോഗ്യരായ എല്ലാവര്‍ക്കും വോട്ടര്‍പട്ടികയില്‍ പേര് ചേര്‍ക്കാന്‍ കഴിയും.