സംസ്ഥാനത്ത് കാലവര്ഷം അതിശക്തമായി തുടരുന്ന സാഹചര്യത്തില് എട്ടു ജില്ലകളില് ഇന്ന് ഓറഞ്ച് അലേര്ട്ട് പ്രഖ്യാപിച്ചു. എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് എന്നീ ജില്ലകളിലാണ് അതിതീവ്ര മഴയ്ക്ക് സാധ്യതയുള്ളതിനാല് ഓറഞ്ച് അലേര്ട്ട് നല്കിയിരിക്കുന്നത്. ഇതോടൊപ്പം മറ്റ് ആറ് ജില്ലകളില് യെല്ലോ അലേര്ട്ടും നിലനില്ക്കുന്നുണ്ട്. മലയോര, തീരദേശ മേഖലകളില് പ്രത്യേക ജാഗ്രത പാലിക്കണമെന്നും അധികൃതര് നിര്ദ്ദേശിച്ചിട്ടുണ്ട്.
തുടര്ച്ചയായ മഴയ്ക്കും ഇടിമിന്നലിനും പുറമെ മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റ് വീശാന് സാധ്യതയുള്ളതിനാല് പൊതുജനങ്ങള് അതീവ ജാഗ്രത പുലര്ത്തണം. കടല് പ്രക്ഷുബ്ധമാകാന് സാധ്യതയുള്ളതിനാല് കേരള-കര്ണാടക-ലക്ഷദ്വീപ് തീരങ്ങളില് മത്സ്യത്തൊഴിലാളികള് കടലില് പോകുന്നതിന് ഏര്പ്പെടുത്തിയ വിലക്ക് തുടരുകയാണ്. വരും ദിവസങ്ങളിലും സമാനമായ കാലാവസ്ഥാ സാഹചര്യം തുടരുമെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നല്കി.