കൊല്ലം, കോട്ടയം, പാലക്കാട് ജില്ലകളിലാണ് ഏറ്റവും ഉയര്ന്ന ചൂട് രേഖപ്പെടുത്താന് സാധ്യത
തിരുവനന്തപുരം: സംസ്ഥാനത്ത് താപനില ഉയരുന്ന സാഹചര്യത്തില് ഇന്നും ജാഗ്രതാ നിര്ദ്ദേശം. കഠിനമായ ചൂട് കണക്കിലെടുത്ത് പന്ത്രണ്ട് ജില്ലകളില് കേന്ദ്ര കാലാവസ്ഥാ വകുപ്പ് യെല്ലോ അലര്ട്ട് പ്രഖ്യാപിച്ചു. സാധാരണ ലഭിക്കേണ്ടതിനേക്കാള് രണ്ട് മുതല് മൂന്ന് ഡിഗ്രി സെല്ഷ്യസ് വരെ താപനില ഉയരാന് സാധ്യതയുണ്ടെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്.
കൊല്ലം, കോട്ടയം, പാലക്കാട് ജില്ലകളിലാണ് ഏറ്റവും ഉയര്ന്ന ചൂട് രേഖപ്പെടുത്താന് സാധ്യത. ഇവിടെ താപനില 38°C വരെ ഉയര്ന്നേക്കാം. പത്തനംതിട്ട, ആലപ്പുഴ, തൃശൂര്, എറണാകുളം, കോഴിക്കോട്, കണ്ണൂര് ജില്ലകളില് 37°C വരെയും, തിരുവനന്തപുരം, മലപ്പുറം, കാസര്കോട് ജില്ലകളില് 36°C വരെയും ചൂട് കൂടാന് സാധ്യതയുണ്ട്.