കാഞ്ഞങ്ങാട്ട്: ബേഡകം പൊലീസ് സ്റ്റേഷൻ പരിതിയിൽ നിന്നും കാണാതായ ആളെ ട്രെയിൻ തട്ടി മരിച്ച നിലയിൽ കണ്ടെത്തി. പടന്നക്കാടിനും ഐങ്ങോത്തിനുമിടയിലാണ് ഇന്നലെ രാത്രി ട്രെയിൻ തട്ടി മരിച്ച നിലയിൽ കണ്ടത്. ബീമ്പുംങ്കാൽ തെങ്ങും പള്ളിയിൽ ജോൺസൺ (55) ആണ് മരിച്ചത്. ഹോസ്ദുർഗ് പൊലീസ് സ്ഥലത്തെത്തി മൃതദേഹം ജില്ലാശുപത്രി മോർച്ചറിയിലേക്ക് മാറ്റി. ആശുപത്രിയിൽ ബന്ധുക്കൾ എത്തി മൃതദേഹം തിരിച്ചറിയുകയായിരുന്നു. മൂന്ന് ദിവസം മുൻപ് ആണ് ജോൺസണെ കാണാതായത്. ബേഡകം പൊലീസ് കേസെടുത്ത് അന്വേഷണം നടത്തി വരികയായിരുന്നു.
ഭാര്യ: ഷാന്റി ജോൺസൺ, മക്കൾ: അമിത ജോൺസൻ, ജോയൽ ജോൺസൻ, ജോബിൻ ജോൺസൻ, മരുമകൻ: ജിബിൻ സ്റ്റീഫൻ.