കാസര്കോട്: നിര്മാണ തൊഴിലാളി ക്ഷേമനിധിയില് കുടിശികയായി കിടക്കുന്ന കഴിഞ്ഞ ഒന്നര വര്ഷത്തെ പെന്ഷന് തുക അടിയന്തിരമായി കൊടുത്തു തീര്ക്കണമെന്നാവശ്യപ്പെട്ടു കൊണ്ട് ജില്ലയിലെ പത്ത് കേന്ദ്രങ്ങളിലായി നടത്തുന്ന പെന്ഷന്കാരുടെയും കുടുംബാംഗങ്ങളുടെയും പ്രതിഷേധ സംഗമം മംഗല്പാടി,വോര്ക്കാടി പഞ്ചായത്തുകളില് സംഘടിപ്പിച്ചു.നിര്മാണ തൊഴിലാളി യൂണിയന് എസ് ടി യു ജില്ലാ കമ്മിറ്റിയുടെ നേതൃത്വത്തില് നടക്കുന്ന പ്രതിഷേധ പരിപാടിയുടെ ഭാഗമായി മംഗല്പാടി പഞ്ചായത്തിലെ പച്ചമ്പളയില് നടന്ന സംഗമത്തില് ബി പി മുഹമ്മദ് അധ്യക്ഷത വഹിച്ചു. നിര്മാണ തൊഴിലാളി യൂണിയന് എസ്.ടി.യു സംസ്ഥാന വൈ.പ്രസിഡണ്ട് പി ഐ എ ലത്തീഫ് ഉല്ഘാടനം ചെയ്തു. ഹനീഫ പാറ സമര പ്രഖ്യാപനം നടത്തി. ജില്ലാ ഭാരവാഹികളായ എം കെ ഇബ്രാഹിം,എ എച്ച് അബ്ദുല്ല,മുഹമ്മദ് മൊഗാല്, ബി.എ ഗഫൂര് പ്രസംഗിച്ചു.
വോര്ക്കാടി പഞ്ചായത്തിലെ മജീര്പള്ളയില് നടന്ന പ്രതിഷേധ സംഗമത്തില് ജില്ലാ ജന.സെക്രട്ടറി ഹനീഫ പാറ അധ്യക്ഷത വഹിച്ചു.സംസ്ഥാന വൈ.പ്രസിഡണ്ട് പി.ഐ.എ ലത്തീഫ് ഉല്ഘാടനം ചെയ്തു. പഞ്ചായത്ത് മുസ്ലിം ലീഗ് പ്രസിഡണ്ട് കെ മുഹമ്മദ് സമര പ്രഖ്യാപനം നടത്തി. എം.കെ ഇബ്രാഹിം,എ എച്ച് അബ്ദുല്ല, മുഹമ്മദ് മൊഗ്രാല്, ബി.എ മജീദ്,ഹസ്സന് കുഞ്ഞി പാത്തൂര്,ഇബ്രാഹിം ധര്മ്മ നഗര്,ഉമ്മറബ്ബ ആനക്കല്ല്,ഇസ്മയില് ധര്മ്മ നഗര് പ്രസംഗിച്ചു.
ഫോട്ടോ: നിര്മാണ തൊഴിലാളി യൂണിയന് എസ് ടി യു പ്രതിഷേധ സംഗമം സംസ്ഥാന വൈ. പ്രസിഡണ്ട് പി.ഐ എ ലത്തീഫ് ഉല്ഘാടനം ചെയ്യുന്നു.