രാജപുരം: രാജപുരം ഹോളി ഫാമിലി എ.എല്.പി സ്കൂളില് വിവിധ പരിപാടികളോടെ ശിശുദിനാഘോഷം നടത്തി.പി.ടി.എ പ്രസിഡണ്ട് സോനുവിന്റെ അധ്യക്ഷതയില് നടന്ന യോഗത്തില് സ്കൂള് അസിസ്റ്റന്റ്റ് മാനേജര് ഫാ. ഓനായി കുട്ടികള്ക്ക് ആശംസകള് അറിയിച്ചു. ഡോണ്സി ജോജോ ശിശുദിന സന്ദേശം നല്കി. പ്രധാനാധ്യാപകന് എബ്രാഹംകെ.ഒ ഏവരെയും സ്വാഗതം ചെയ്തു. സ്റ്റാഫ് സെക്രട്ടറി സോണി കുര്യന് നന്ദി പ്രകാശനം നടത്തി. ഒന്നാം ക്ലാസ്സിലെ ഏഞ്ചലീസ മേരി ജിന്സിന്റെ ജന്മദിനം ശിശുദിനമായ ഇന്ന് ആഘോഷിച്ചു. ജന്മദിനത്തിന്റെ ഭാഗമായി ഏഞ്ചലീസ എല്ലാ കുട്ടികള്ക്കും പായസ വിതരണം നടത്തി. വിഭവ സമൃദ്ധമായ സ്നേഹവിരുന്ന് നവ്യാനുഭവമായി. ശിശുദിനത്തില് ഐറിന് മേരി റോബിന്സ് തയ്യാറാക്കിയ ചാച്ചാജി പതിപ്പ് ശ്രദ്ദേയമായി. പി.ടി.എ എക്സിക്കുട്ടീവ് അംഗങ്ങളും അധ്യാപകരും പ്രവര്ത്തനങ്ങള്ക്ക് നേതൃത്വം നല്കി. പ്രസംഗ മത്സരം, പ്രശ്ചന്നവേഷം , ഗ്രൂപ്പ് ഡാന്സ് തുടങ്ങിയ വിവധങ്ങളായ കലാപരിപാടികള് കുട്ടികളില് ആവേശം നിറച്ചു.