കൊച്ചി: പാസ്പോര്ട്ടില് കൃത്രിമം കാണിച്ചെത്തിയ യാത്രക്കാരന് നെടുമ്പാശ്ശേരി വിമാനത്താവളത്തില് പിടിയിലായി. കൊല്ലം പള്ളിത്തോട്ടം സ്വദേശി മുഹമ്മദ് അജാസ് അസ്ലാം ആണ് വിമാനത്താവളം എമിഗ്രേഷന് വിഭാഗം അധികൃതരുടെ പിടിയിലായത്.
ഇയാള് കുവൈത്തില് നിന്നുമാണ് എത്തിയത്. മുഹമ്മദ് അജാസിന്റെ പാസ്പോര്ട്ടിലെ ഇരുപത് പേജുകള് കീറിയ നിലയിലായിരുന്നു. നെടുമ്പാശ്ശേരി പൊലീസിന് കൈമാറിയ ഇയാളെ കൂടുതല് അന്വേഷണത്തിനായി ക്രൈംബ്രാഞ്ച് ഏറ്റെടുത്തു.