മഞ്ചേശ്വരം ഗ്രാമപഞ്ചായത്തിന്റെ വികസന സദസ് പഞ്ചായത്ത് പ്രസിഡന്റ് ജീന് ലവീണ മോന്തേറോ ഉദ്ഘാടനം ചെയ്തു. ഹരിത കര്മ്മ സേന പ്രവര്ത്തകരെയും അങ്കണവാടി പ്രവര്ത്തകരെയും ചടങ്ങില് പ്രത്യേകം പ്രശംസിച്ചു. ഹരിത കര്മ സേനയുടെ സേവനങ്ങള് കൂടുതല് ഫലപ്രദമാക്കുന്നതിനായി രണ്ട് വാഹനങ്ങള് ഭരണകാലയളിവില് അനുവദിച്ചതായും പ്രസിഡന്റ് പറഞ്ഞു. വികസന സ്റ്റാന്ഡിംഗ് കമ്മിറ്റി ചെയര്പേഴ്സണ് എം.രാധ അധ്യക്ഷത വഹിച്ചു. പഞ്ചായത്തിന്റെ വികസന നേട്ടങ്ങള് സെക്രട്ടറി കെ.സുജേഷ് അവതരിപ്പിച്ചു. പഞ്ചായത്ത് അംഗങ്ങളായ വിനയ ഭാസ്കര്, കുല്സുമ്മ, ജയന്തി, രാഷ്ട്രീയപാര്ട്ടി പ്രതിനിധി അഷ്റഫ് ബഡാജെ, വിവിധ സര്ക്കാര് വകുപ്പുകളിലെ പ്രതിനിധികള് എന്നിവര് ചടങ്ങില് പങ്കെടുത്തു. ക്ഷേമകാര്യ സ്റ്റാന്ഡിംഗ് കമ്മിറ്റി ചെയര്മാന് യാദവ ബഡാജെ സ്വാഗതവും പഞ്ചായത്ത് അംഗം എം.രാജേഷ് നന്ദിയും പറഞ്ഞു.