ബളാല് : ബളാല് മണ്ഡലം മൂന്നാം വാര്ഡ് കോണ്ഗ്രസ് കമ്മിറ്റി യൂണിറ്റ് രൂപീകരണ സദസ്സ് നടത്തി. ചീറ്റക്കാല്, മുണ്ടമാണി ഭാഗങ്ങള് കേന്ദ്രീകരിച്ചു കൊണ്ടാണ് പുതിയൊരു യൂണിറ്റ് കമ്മിറ്റി രൂപീകരിച്ചത്. വാര്ഡ് പ്രസിഡണ്ട് സി വി ശ്രീധരന്റെ അധ്യക്ഷതയില് ചേര്ന്ന യോഗത്തില് വാര്ഡ് മെമ്പര് കെ അജിത സ്വാഗതം പറഞ്ഞു. ഗ്രാമപഞ്ചായത്ത് പ്രസിഡണ്ട് രാജു കട്ടക്കയം രൂപീകരണയോഗം ഉദ്ഘാടനം ചെയ്തു. ബളാല് ഗവണ്മെന്റ് ഹയര് സെക്കന്ഡറി സ്കൂള് പിടിഎ പ്രസിഡണ്ടായി തിരഞ്ഞെടുക്കപ്പെട്ട സുരേഷ് മുണ്ടമണിയെ ചടങ്ങില് അനുമോദിച്ചു.
ജില്ലാ കോണ്ഗ്രസ് ജനറല് സെക്രട്ടറി ഹരീഷ് പി നായര്, മണ്ഡലം കോണ്ഗ്രസ് പ്രസിഡണ്ട് എം പി ജോസഫ്,ഗ്രാമപഞ്ചായത്ത് മെമ്പറും ബ്ലോക്ക് ജനറല് സെക്രട്ടറിയുമായ രഘുനാഥന് നായര് എന്നിവര് സംസാരിച്ചു. പുതിയ യൂണിറ്റ് ഭാരവാഹികളായി പ്രസിഡന്റ് ജോണി കരിന്തോളി, സെക്രട്ടറി രാജേഷ് ചീറ്റക്കാല്, ട്രഷറര് രതീഷ് കോട്ടക്കുന്ന് എന്നിവരെ തിരഞ്ഞെടുത്തു. കള്ളാര് ബളാല് പഞ്ചായത്തുകളെ വെള്ളരിക്കുണ്ട് താലൂക്ക് ആസ്ഥാനവുമായി ബന്ധിപ്പിക്കുന്ന പൂടംകല്ല്, പാലച്ചുരം, മുണ്ടമാണി ബളാല് റോഡ് അടിയന്തിരമായി പൊതുമരാമത്ത് വകുപ്പ് ഏറ്റെടുക്കണമെന്നും മെക്കാഡാം ഉള്പ്പെടെയുള്ള പ്രവര്ത്തികള് ചെയ്തു ഗതാഗത യോഗ്യമാക്കണമെന്നും യോഗം ആവശ്യപ്പെട്ടു