മലയാള സിനിമാപ്രേക്ഷകര്ക്ക് ചിരിക്കാനും ആസ്വദിക്കാനും ഒരുപിടി നല്ല നിമിഷങ്ങള് സമ്മാനിച്ച ചിത്രമാണ് ‘കല്യാണരാമന്’. 2002-ല് പുറത്തിറങ്ങിയ കോമഡി എന്റര്ടൈയ്നര് ചിത്രമാണിത്. ഇപ്പോഴിതാ ചിത്രം വീണ്ടും തിയറ്ററുകളിലേക്ക് എത്തുകയാണ്. കല്യാണരാമന് 4കെ അറ്റ്മോസില് റിലീസ് ചെയ്യുന്നുവെന്ന് ദിലീപ് തന്നെയാണ് ഇപ്പോള് അറിയിച്ചിരിക്കുന്നത്. ഇക്കാര്യം അറിയിച്ചുകൊണ്ടുള്ള പോസ്റ്ററും ദിലീപ് ഷെയര് ചെയ്തിട്ടുണ്ട്.
അതേസമയം വൈകാതെ സിനിമയുടെ റീ റിലീസ് തിയതി പുറത്തുവരും. പിന്നാലെ നിരവധി പേരാണ് കമന്റുമായി രം?ഗത്ത് എത്തുന്നത്. മീശ മാധവന്, റണ്വേ, C. I. D. മൂസ, വെട്ടം തുടങ്ങിയ സിനിമകളും റീ റിലീസ് ചെയ്യണമെന്നാണ് കമന്റുകളില് ഏറെയും. ഷാഫിയുടെ സംവിധാനത്തില് റിലീസ് ചെയ്ത ചിത്രത്തില് രാമന്കുട്ടി എന്ന കഥാപാത്രത്തെയാണ് ദിലീപ് അവതരിപ്പിച്ചത്. ദിലീപിന് ഒപ്പം കുഞ്ചാക്കോ ബോബന്, ലാലു അലക്സ്, ലാല്, നവ്യ നായര്, ജ്യോതിര്മയി, ഇന്നസെന്റ്, സലിംകുമാര്, ബോബന് ആലുമ്മൂടന്, ഉണ്ണികൃഷ്ണന് നമ്പൂതിരി, കൊച്ചു പ്രേമന് തുടങ്ങി വന് താരനിരയും എത്തിയിരുന്നു. ലാല് ക്രിയേഷന്സിന്റെ ബാനറില് ലാല് നിര്മിച്ച ചിത്രമാണിത്. ചിത്രത്തിന്റെ കഥ, തിരക്കഥ, സംഭാഷണം എന്നിവ നിര്വ്വഹിച്ചത് ബെന്നി പി. നായരമ്പലം ആയിരുന്നു.