ഉദുമ ഗ്രാമ പഞ്ചായത്ത് വികസന സദസ് സി.എച്ച് കുഞ്ഞമ്പു എം.എല്.എ ഉദ്ഘാടനം ചെയ്തു.
പഞ്ചായത്തുകള് അധികാരത്തിന്റെ കേന്ദ്രങ്ങളായി മാറി. പണം കൊണ്ടും അധികാരം കൊണ്ടും വികസനപ്രവര്ത്തനങ്ങളില് ഓരോ തദ്ദേശസ്വയം ഭരണ സ്ഥാപനങ്ങളും അത്യുന്നതിയിലാണെന്ന് സി. എച്ച് കുഞ്ഞമ്പു എം.എല്.എ പറഞ്ഞു.
ഉദുമ ഗ്രാമ പഞ്ചായത്ത് വികസന ഉദ്ഘാടനം ചെയ്തു സംസാരിക്കുകയായിരുന്നു എം.എല്.എ.
വിദ്യാഭ്യാസം, ആരോഗ്യം, പൊതു വിതരണം, സാമൂഹ്യനീതി, പശ്ചാത്തല സൗകര്യം എന്നീ മേഖലകള്ക്ക് പ്രാധാന്യം നല്കികൊണ്ടുള്ള പ്രവര്ത്തനങ്ങളാണ് സര്ക്കാര് ഏറ്റെടുത്തു നടത്തുന്നത്. 1504. 64 കോടി രൂപയുടെ വികസന പ്രവര്ത്തനങ്ങള് ഉദുമ നിയോജക മണ്ഡലത്തില് നടത്തി. അതില് 136.18 കോടി രൂപ ഉദുമ പഞ്ചായത്തിന്റെ വികസന പ്രവര്ത്തനങ്ങള്ക്ക് അനുവദിച്ചുവെന്നും എം. എല്. എ പറഞ്ഞു.
അസാധ്യമെന്ന് കരുതിയ വികസന പ്രവര്ത്തനങ്ങള് യാഥാര്ഥ്യമാക്കാന് ഗവണ്മെന്റിന് സാധിച്ചു. ‘വ്യവസായത്തിന്റെ മരുഭൂമിയാണ്’ കേരളം എന്ന കാഴ്ചപ്പാട് കാറ്റില്പ്പറത്തികൊണ്ട് എം.എസ്.എം.ഇ വഴി വ്യവസായ സൗഹൃദ അന്തരീക്ഷം സൃഷ്ടിച്ചതായും അദ്ദേഹം പറഞ്ഞു.
ഉദുമ ഗ്രാമ പഞ്ചായത്ത് പ്രസിഡന്റ് പി. ലക്ഷ്മി ചടങ്ങില് അധ്യക്ഷത വഹിച്ചു.
വികസന സദസിന്റെ ആമുഖം റിസോഴ്സ് പേഴ്സണ് സുഭാഷ് അവതരിപ്പിച്ചു.
സംസ്ഥാന സര്ക്കാരിന്റെ വികസന നേട്ടങ്ങള് ഉള്പ്പെടുത്തിയുള്ള വിവര പൊതുജന സമ്പര്ക്ക വകുപ്പ് തയ്യാറാക്കിയ വീഡിയോ, തദ്ദേശ സ്വയംഭരണ വകുപ്പ് മന്ത്രി എം.ബി രാജേഷ്, ജില്ലയുടെ ചുമതലയുള്ള വനം, വന്യജീവി വകുപ്പ് മന്ത്രി എ.കെ ശശീന്ദ്രന് എന്നിവരുടെ സന്ദേശവും പ്രദര്ശിപ്പിച്ചു. തുടര്ന്ന് പഞ്ചായത്തിന്റെ വികസന നേട്ടങ്ങള് ഉള്പ്പെടുത്തി വീഡിയോ പ്രദര്ശിപ്പിച്ചു. പഞ്ചായത്തിന്റെ വികസന പ്രവര്ത്തനങ്ങളുടെ റിപ്പോര്ട്ട് സെക്രട്ടറി എ.ആദിത്യന് അവതരിപ്പിച്ചു.
ചടങ്ങില് ജൈവ വൈവിധ്യ പരിപാലന കര്മ്മ പദ്ധതിയുടെ പുസ്തകം കേരള ജൈവ വൈവിധ്യ ബോര്ഡ് സെക്രട്ടറി ഡോ. വി ബാലകൃഷ്ണന് പ്രകാശനം ചെയ്തു. ജില്ലയില് പുസ്തകം പുറത്തിറക്കുന്ന ആദ്യത്തെ പഞ്ചായത്താണ് ഉദുമ.
കേരളത്തിലങ്ങോളമിങ്ങോളമുളള തദ്ദേശ സ്വയം ഭരണ സ്ഥാപനങ്ങളിലെജൈവ വൈവിധ്യ പരിപാലന സമിതികളില് ദേശീയ ശ്രദ്ധ പിടിച്ചു പറ്റുന്ന പ്രവര്ത്തനങ്ങള് കാഴ്ച്ച വച്ച പഞ്ചായത്താണ് ഉദുമ എന്ന് അദ്ദേഹം പറഞ്ഞു.
ഹരിത കേരള മിഷന്റെ മികച്ച പരിസ്ഥിതി പ്രവര്ത്തകനുള്ള പുരസ്കാരം നേടിയ ബി.എം.സി കോര്ഡിനേറ്റര് മുകുന്ദന് മാസ്റ്ററെ ആദരിച്ചു. ഉദുമ ഗ്രാമ പഞ്ചായത്തിന്റെ സമഗ്ര വികസനത്തിനായുള്ള നൂതനാശയങ്ങള് ലക്ഷ്യമിട്ടുകൊണ്ട് നടത്തിയ ചര്ച്ചയില് നവകേരളം കര്മ്മ പദ്ധതി ജില്ലാ കോര്ഡിനേറ്റര് കെ. ബാലകൃഷ്ണന് മോഡറേറ്റര് ആയി. കാഞ്ഞങ്ങാട് ബ്ലോക്ക് പഞ്ചായത്ത് പ്രസിഡണ്ട് എന്.വി വിജയന്, ഭരണസമിതി അംഗങ്ങള്, രാഷ്ട്രീയ പാര്ട്ടി പ്രതിനിധികള് തുടങ്ങിയവര് സംസാരി
ച്ചു.