കൊല്ലം: കെഎസ്ആര്ടിസി ബസിനുള്ളില് കെ.ബി. ഗണേഷ് കുമാറിന്റെ മിന്നല് പരിശോധന. പ്ലാസ്റ്റിക് കുപ്പികള് കൂട്ടിയിട്ടിരിക്കുന്നത് കണ്ടതിനെ തുടര്ന്ന് ഗതാഗത മന്ത്രി ബസ് തടഞ്ഞുനിര്ത്തി മിന്നല് പരിശോധന നടത്തിയത്. കൊല്ലം ആയൂരില് വെച്ചാണ് മന്ത്രിയുടെ അപ്രതീക്ഷിത മിന്നല് പരിശോധന ഉണ്ടായത്.
കോട്ടയത്ത് നിന്ന് തിരുവനന്തപുരത്തേക്ക് പോവുകയായിരുന്ന പൊന്കുന്നം ഡിപ്പോയിലെ ഫാസ്റ്റ് പാസഞ്ചര് ബസാണ് മന്ത്രി തടഞ്ഞുനിര്ത്തിയത്. ബസിന്റെ മുന്വശത്ത് പ്ലാസ്റ്റിക് മാലിന്യം കൂട്ടിയിട്ടിരിക്കുന്നത് ശ്രദ്ധയില്പ്പെട്ടതോടെ മന്ത്രി ബസിന്റെ പിന്നാലെയെത്തി തടയുകയായിരുന്നു.
പ്ലാസ്റ്റിക് കുപ്പികള് നീക്കം ചെയ്യാത്തതില് മന്ത്രി ജീവനക്കാരെ ശാസിച്ചു. ”വെള്ളം കുടിച്ച് കുപ്പി വലിച്ചെറിയാനുള്ള സ്ഥലമല്ല ബസിന്റെ മുന്വശം, ഇതില് നടപടി എടുത്തിരിക്കുമെന്നും” മന്ത്രി ജീവനക്കാരോട് പറഞ്ഞു.