നീലേശ്വരം: സ്വച്ഛത ഹി സേവാ ശുചിതോത്സവം 2025 ന്റെ ഭാഗമായി നീലേശ്വരം ബസ്സ്സ്റ്റാന്ഡ് മുതല് കോണ്വെന്റ് ജംഗ്ഷന് വരെയും, മെയിന് ബസാര് വരെയും മെഗാ ശുചീകരണം നടത്തി. പരിപാടി നഗരസഭ ചെയര്പേഴ്സണ് ശ്രീമതി ടി വി ശാന്ത ഉദ്ഘാടനം ചെയ്തു. വൈസ് ചെയര്മാന് പി പി മുഹമ്മദ് റാഫി അധ്യക്ഷത വഹിച്ചു. സ്റ്റാന്റിംഗ് കമ്മിറ്റി ചെയര്പേഴ്സണ് ടി പി ലത സ്വാഗതം പറഞ്ഞു . കൗണ്സിലര്മാരായ എം കെ വിനയരാജ്, പി കുഞ്ഞിരാമന്, കെ മോഹനന്,പി ശ്രീജ, സി ഡി എസ് ചെയര്പേഴ്സണ് പി,, എം സന്ധ്യ, കെ എസ് ഡബ്ല്യു എം പി ഡി പി എം യു ഉദ്യോഗസ്ഥരായ ഡോക്ടര് സൂരജ് കെ വി,ബൈജു സി എം ക്ലീന് സിറ്റി മാനേജര് എ കെ പ്രകാശന് , എന് എസ് എസ് മുന് പ്രോഗ്രാം ഓഫീസര് വിജേഷ് പി എന്നിവര് ആശംസകള് അറിയിച്ചു സംസാരിച്ചു. നഗരസഭ ആരോഗ്യ വിഭാഗം ജീവനക്കാര് , ശുചിത്വ മിഷന് വൈ പി മഞ്ജിമ,നഗരസഭ ശുചീകരണ തൊഴിലാളികള്,ഹരിത കര്മ സേന അംഗങ്ങള്, കോട്ടപ്പുറം വൊക്കേഷണല് ഹയര് സെക്കന്ററി സ്കൂള് എന് എസ് എസ് വളണ്ടിയര്മാര്, കുടുംബശ്രീ അംഗങ്ങള് എന്നിവരും ശുചീകരണത്തിന്റെ ഭാഗമായി.കെ എസ് ഡബ്യു എം പി എന്ജിനിയര് അഭിജിത്ത് നന്ദി പറഞ്ഞു.