രാജപുരം: ബളാല് ശ്രീ ഭഗവതി ക്ഷേത്രം നവരാത്രി മഹോത്സവം സെപ്റ്റംബര് 22 മുതല് ഒക്ടോബര് 2 വരെ നടക്കും. 22ന് ചൊവ്വാഴ്ച സര്വ്വ ഐശ്വര്യ വിളക്ക് പൂജയോടെആരംഭിക്കും. തുടര്ന്നുള്ള ദിവസങ്ങളില് വിശേഷാല് പൂജകളോടെ ക്ഷേത്ര ചടങ്ങുകളും നടക്കും. എല്ലാ ദിവസവും ക്ഷേത്ര മാതൃസമിതിയുടെ ലളിതാസഹസ്രനാമപാരായണവും ഭക്തജനങ്ങളുടെ നിറമാല വഴിപാട് സമര്പ്പണവും നടക്കും. സപ്തമി, അഷ്ടമി ദിവസങ്ങളില് വൈകിട്ട് അഞ്ചുമണിക്ക് ശ്രീഭൂത ബലിയോടെ എഴുന്നള്ളത്തും നവമി ദിവസം ശ്രീഭൂതബിലിക്ക് ശേഷം തിരുനൃത്തവും നടക്കും. തുടര്ന്ന് ദീപാരാധനയും ഗ്രന്ഥ പൂജയും ആയുധ പൂജയും. മഹാനവമി ദിവസം രാവിലെ 8 മണിക്ക് വാഹനപൂജ, മഹാപൂജക്ക് ശേഷംതുലാഭാരം.നവരാത്രിയുടെ അവസാന നാല് നാളുകളില് ക്ഷേത്രത്തിലെത്തുന്ന മുഴുവന് ഭക്തജനങ്ങള്ക്കും അന്നപ്രസാദ വിതരണം. വിജയദശമി ദിവസം രാവിലെ 7.45 ന് ഗ്രന്ഥ പൂജയും 8 മണിക്ക് കുട്ടികള് ആദ്യാക്ഷരം കുറിച്ച് അക്ഷരലോകത്തേക്ക് ചുവട് വയ്ക്കുന്ന വിദ്യാരംഭവും.
എല്ലാ ദിവസവും വൈകിട്ട് 6.30 മുതല് വിവിധങ്ങളായ ആധ്യാത്മിക കലാ സാംസ്കാരിക പരിപാടികള് നടക്കും.
സെപ്റ്റംബര് 23ന് വൈകിട്ട് പ്രശസ്ത സാംസ്കാരിക പ്രഭാഷകന് വി കെ സുരേഷ് ബാബു മട്ടന്നൂരിന്റെ പ്രഭാഷണം.
24 ന് വൈകിട്ട് കുട്ടികളുടെ കലാസാംസ്കാരിക പരിപാടികള്, ആദി ദ്രാവിഡ കലാസമിതി അവതരിപ്പിക്കുന്ന മംഗലം കളി, 25 ന് ബേളൂര് ശിവക്ഷേത്ര കോല്ക്കളി സംഘത്തിന്റെ കോല്ക്കളി , 26 ന് സരസ്വതി മാധവന്റെ സംഗീതാര്ച്ചന, ക്ഷേത്ര ഭജന സമിതിയുടെ ഭജനാമൃതം . 27ന് പ്രശസ്ത ഗായകന് രതീഷ് കണ്ടടുക്കം നയിക്കുന്ന കാഞ്ഞങ്ങാട് ദേവഗീതം ഓര്ക്കസ്ട്രയുടെ ഭക്തിഗാന സുധ, 28ന് മധൂര് തന്മയ സ്കൂള് ഓഫ് ഡാന്സ് അവതരിപ്പിക്കുന്ന നൃത്യ സന്ധ്യ, 29ന് കാലിച്ചാനടുക്കം ചിലങ്കസ്കൂള് ഓഫ് ഡാന്സ് അവതരിപ്പിക്കുന്ന നടന തരംഗിണി നൃത്താവിഷ്കാരം, 30 ന് കരിഞ്ചാമുണ്ടേശ്വരി ഭജന സമിതി കപ്പള്ളി അവതരിപ്പിക്കുന്ന ഭജന് സന്ധ്യ .വിജയദശമി ദിവസം വിദ്യാരംഭത്തിന് ശേഷം ഭക്തജനങ്ങള്ക്ക് തങ്ങളുടെ കലാ സംഗീത കഴിവുകള് ദേവിക്ക് സമര്പ്പിക്കുന്നതിന് സരസ്വതി മണ്ഡപത്തില് പ്രത്യേക സൗകര്യം ഒരുക്കിയിട്ടുണ്ട്.