ഒറ്റനോട്ടത്തില് വ്യത്യാസം കാണാന് ബുദ്ധിമുട്ടായിരിക്കും. പക്ഷേ, ശ്രദ്ധിച്ചുനോക്കുമ്പോള് പഴയതും പുതിയതും തമ്മിലുള്ള മാറ്റം വ്യക്തമായി മനസ്സിലാകും. ജര്മ്മനിയിലെ മ്യൂണിക് മോട്ടോര് ഷോയില് തങ്ങളുടെ പുതിയ ഇലക്ട്രിക് കാര് ഐഎക്സ് 3 അവതരിപ്പിക്കവെയാണ് വാഹന നിര്മാതാക്കളായ BMW പുതിയ ലോഗോയും പുറത്തുവിട്ടത്.
പുതിയ ലോഗോയില് വരുത്തിയിരിക്കുന്നത് ലളിതമായ മാറ്റങ്ങളാണ്. പഴയ ലോഗോയില് നീല-വെള്ള നിറങ്ങളെ കറുപ്പില് നിന്ന് വേര്തിരിച്ചിരുന്ന ക്രോം വളയം ഒഴിവാക്കിയിട്ടുണ്ട്. കൂടാതെ ലോഗോയിലെ അക്ഷരങ്ങളുടെ വലിപ്പത്തിലും ചെറിയ മാറ്റങ്ങള് വരുത്തിയിട്ടുണ്ട്.
ഐഎക്സ് 3 ഉള്പ്പെടെ BMW-യുടെ പുതിയ വാഹനങ്ങളില് ആദ്യ ഘട്ടത്തില് പുതിയ ലോഗോ ഉപയോഗിക്കും. എന്നാല് പരമ്പരാഗത മോഡലുകളില് നിലവിലുള്ള ലോഗോ തന്നെ തുടരുമെന്ന് കമ്പനി വ്യക്തമാക്കി.