തലശ്ശേരി: റെയില്വേയുടെ സാധനങ്ങള് മോഷ്ടിച്ച മൂന്ന് കരാര്ജീവനക്കാര് പിടിയില്. അമൃത് ഭാരത് നവീകരണ പ്രവൃത്തികള്ക്കായി റെയില്വേ ഏല്പ്പിച്ച കരാര് ജീവനക്കാരാണ് പിടിയിലായത്. സാധനങ്ങള് വില്ക്കാന് ശ്രമിക്കുമ്പോഴാണ് മൂന്നുപേരെ ആര്പിഎഫ് പിടികൂടിയത്. തമിഴ്നാട് വില്ലുപുരം സ്വദേശി ഭാസ്കര് (36), കര്ണാടക മാണ്ഡ്യ സ്വദേശി കെ.എസ്. മനു (33), ബെംഗളൂരു സ്വദേശി എം.എന്. മഞ്ജുനാഥ് (26) എന്നിവരാണ് അറസ്റ്റിലായത്. അതേസമയം 450 കിലോ ഭാരമുള്ള 17 സ്റ്റീല് ഉത്പന്നങ്ങള് (ആങ്കിളുകള്) ഓട്ടോയില് കയറ്റി വില്പ്പനയ്ക്ക് കൊണ്ടുപോകുന്നതിനിടെയാണ് സംഘം പിടിയിലായത്. ശനിയാഴ്ച വൈകീട്ടായിരുന്നു സംഭവം നടന്നത്.