കാസര്കോട് ജില്ലാ പഞ്ചായത്തും ഫിഷറീസ് വകുപ്പും സംയുക്തമായി നടത്തിയ പൊതുജലാശയത്തില് കരിമീന് വിത്ത് നിക്ഷേപം അച്ചാംതുരുത്തി കോട്ടപ്പുറം പാലത്തിന് സമീപം ജില്ലാ പഞ്ചായത്ത് മെമ്പര് സി.ജെ സജിത്ത് ഉദ്ഘാടനം ചെയ്തു. മത്സ്യസമ്പത്ത് കുറഞ്ഞുകൊണ്ടിരിക്കുന്ന ഈ കാലത്ത് പുഴയിലെ മത്സ്യ സമ്പത്ത് വര്ദ്ധിപ്പിച്ച് ഉള്നാടന് മത്സ്യത്തൊഴിലാളികള്ക്ക് തൊഴിലും വരുമാനവും ഉറപ്പാക്കുകയാണ് പദ്ധതി ലക്ഷ്യം. ഒരു ലക്ഷം കരിമീന് കുഞ്ഞുങ്ങളെയാണ് നിക്ഷേപിച്ചത്. ചടങ്ങില് ചെറുവത്തൂര് ഗ്രാമപഞ്ചായത്ത് ഒന്നാം വാര്ഡ് മെമ്പര് ടി.വി ശ്രീജിത്ത് അധ്യക്ഷത വഹിച്ചു. ഫിഷറീസ് എക്സ്റ്റന്ഷന് ഓഫീസര് അരുണേന്ദു രാമകൃഷ്ണന് സ്വാഗതവും ഫിഷറീസ് ഓഫീസര് എം.ഷിബിന നന്ദിയും പറഞ്ഞു.