തിരുവനന്തപുരം: പ്രസ് സ്റ്റിക്കർ പതിച്ച വാഹനത്തിൽ നിന്നും ലഹരി മരുന്നുകൾ കണ്ടെത്തി. സംഭവത്തിൽ വിദ്യാർത്ഥികളായ മൂന്നംഗ സംഘം പിടിയിൽ. ഒരു കിലോ ഹൈബ്രിഡ് കഞ്ചാവും 2.5 ഗ്രാം എംഡിഎംഎയുമാണ് ഡാൻസാഫ് സംഘം പിടിച്ചെടുത്തത്. പെരുമാതുറ സ്വദേശി മുഹമ്മദ് മുഹ്സീൻ, തിരുനെൽവേലി സ്വദേശികളായ ആന്റണി നവൂൺ, കെവിൻ ഡേവിഡ് എന്നിവരാണ് പിടിയിലായത്. കഴക്കൂട്ടം ബൈപ്പാസിൽ ഡാൻസാഫ് സംഘം നടത്തിയ വാഹന പരിശോധനയിലാണ് ഇവരെ പിടികൂടിയത്. കാറിന്റെ മുൻ ഗ്ലാസിൽ പ്രസ് സ്റ്റിക്കറും പിന്നിൽ വിജിലൻസ് എന്ന സ്റ്റിക്കറും പതിപ്പിച്ചിരുന്നു.