കാസര്ഗോഡ്: കേന്ദ്ര കാലാവസ്ഥ വകുപ്പ് 17, 18 തീയതികളില് ജില്ലയില് ഓറഞ്ച് മുന്നറിയിപ്പ് പ്രഖ്യാപിച്ചു. ജില്ലയിലെ ഒറ്റപ്പെട്ട ഇടങ്ങളില് അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറില് 115.6 മില്ലി മീറ്റര് മുതല് 204.4 മില്ലി മീറ്റര് വരെ മഴ ലഭിക്കുമെന്നാണ് അതിശക്തമായ മഴ എന്നത് കൊണ്ട് അര്ഥമാക്കുന്നത്. 19, 20 തീയതികളില് ജില്ലയില് മഞ്ഞ മുന്നറിയിപ്പ് പ്രഖ്യാപിച്ചു.
ദുരന്തസാധ്യത മേഖലയില് ഉള്ളവര് എമര്ജന്സി കിറ്റ് തയ്യാറാക്കി വയ്ക്കേണ്ടതാണ്. സംസ്ഥാനത്തെ മുഴുവന് ജില്ലകളിലും 24ഃ7 മണിക്കൂര് പ്രവര്ത്തിക്കുന്ന താലൂക്ക്, ജില്ലാ കണ്ട്രോള് റൂമുകള് പ്രവര്ത്തിക്കുന്നുണ്ട്. അപകടസാധ്യത മുന്നില് കാണുന്ന ഘട്ടങ്ങളിലും സഹായങ്ങള്ക്കുമായി 1077, 1070 എന്നീ ടോള് ഫ്രീ നമ്പറുകളില് ബന്ധപ്പെടാം.
കേന്ദ്ര കാലാവസ്ഥ വകുപ്പ് മുന്നറിയിപ്പില് മാറ്റങ്ങള് വരുത്തുന്നത് അനുസരിച്ച് മുന്നറിയിപ്പുകളില് മാറ്റം വരാവുന്നതാണ്. ദുരന്ത നിവാരണ അതോറിറ്റിയുടെ സമൂഹ മാധ്യമ പേജുകളും പരിശോധിക്കുക.