കാസര്കോട്: ഗവ. ഹയര് സെക്കണ്ടറി സ്കൂളില് പുതുതായി നിര്മ്മിച്ച ബ്ലോക്കിന് ശുദ്ധജലം എത്തിക്കുന്നതിനായി പൂര്വ്വ വിദ്യാര്ത്ഥി സംഘടന മോട്ടോര് വാട്ടര് പമ്പ് സമ്മാനിച്ചു.
സ്കൂളില് നടന്ന ചടങ്ങില് ഒ.എസ്.എ ട്രഷറര് സി.കെ അബ്ദുല്ല ചെര്ക്കള പ്രധാനധ്യാപിക ഉഷ ടീച്ചര്ക്ക് പമ്പ് കൈമാറി.
വര്ക്കിങ്ങ് പ്രസിഡണ്ട് കെ. ജയചന്ദ്രന് അദ്ധ്യക്ഷത വഹിച്ചു. സെക്രട്ടറി ഷാഫി എ.നെല്ലിക്കുന്ന് സ്വാഗതം പറഞ്ഞു. മഹമൂദ് വട്ടയക്കാട്, ഹാരിസ് പൂരണം, അഷ്റഫ് പോപ്പുലര്, റസാഖ് കുന്നില്, അധ്യാപികമാരായ അനിത, ഉഷ എന്നിവര് സംസാരിച്ചു. സ്റ്റാഫ് സെക്രട്ടറി അബ്ദുല് റഹ്മാന് നന്ദി പറഞ്ഞു.
സ്കൂളില്നിന്നും മുഴുവന് വിഷയത്തിലും എ.പ്ലസ്സ് നേടിയ വിദ്യാര്ത്ഥികളെ ജൂലൈ 12 ശനിയാഴ്ച സ്കൂളില് നടക്കുന്ന ചടങ്ങില് അനുമോദിക്കും. നഗര സഭാ ചെയര്മാന് അബ്ബാസ് ബീഗം ഉദ്ഘാടനം ചെയ്യും.