ഉത്തര്പ്രദേശ്: ഉത്തര്പ്രദേശില് ഫുഡ് ഡെലിവറി ഏജന്റെന്ന വ്യാജേന ജോലി ചെയ്തിരുന്ന യുവാവില് നിന്ന് അനധികൃതമായി സൂക്ഷിച്ചിരുന്ന ആയുധങ്ങള് പിടിച്ചെടുത്തു. സുധാന്ഷു എന്ന 22 കാരനാണ് ഡെലിവറി ഏജന്റ് ചമഞ്ഞ് ആയുധങ്ങള് കടത്തിയത്. ഉത്തര് പ്രദേശിലെ മുസാഫര്നഗറിലാണ് സംഭവം നടന്നത്. തോക്കുകളും വെടിയുണ്ടയും ഉള്പ്പടെയുള്ള ആയുധങ്ങളാണ് യുവാവില് നിന്ന് പിടിച്ചെടുത്തിരിക്കുന്നത്.
അതേസമയം വേ?ഗത്തില് ബൈക്കെടുത്ത് പോകാന് ശ്രമിച്ച യുവാവിനെ കണ്ട് സംശയം തോന്നിയ പൊലീസ് ഇയാളെ തടഞ്ഞുനിര്ത്തി പരിശോധിക്കുകയായിരുന്നു. ഫുഡ് ഡെലിവറി ജോലിക്കാരനായി അഭിനയിച്ചുകൊണ്ടാണ് ഇയാള് ആയുധം കടത്തിയിരുന്നത്. സംഭവത്തില് കൂടുതല് അന്വേഷണം നടന്നു വരികയാണ്. ആര്ക്കാണ് ആയുധങ്ങള് വില്ക്കുന്നതെന്നും ആരാണ് ഇത് വിതരണം ചെയ്യുന്നതെന്നുമുള്പ്പടെയുള്ള കാര്യങ്ങള് പൊലീസ് അന്വേഷിച്ച് വരികയാണ്.