സൂപ്പര്ഫുഡ് ശ്രേണിയില്പ്പെട്ട 18 മില്ലറ്റ് ഉല്പ്പന്നങ്ങള് അവതരിപ്പിച്ചു.
തിരുവനന്തപുരം: ബ്രാന്ഡഡ് ഭക്ഷ്യ ഉല്പ്പന്നങ്ങളില് ഇന്ത്യയിലെ മുന്നിരയിലുള്ള തെനാലി ഡബ്ള് ഹോഴ്സ് ഗ്രൂപ്പ്, മില്ലറ്റ് അധിഷ്ഠിത പുതിയ ഉല്പ്പന്ന ശ്രേണിയായ മില്ലറ്റ് മാര്വല്സ് വിപണിയില് അവതരിപ്പിച്ചു. ഹൈദരാബാദിലെ പാര്ക്ക് ഹയാത്ത് ഹോട്ടലില് നടന്ന ഉദ്ഘാടന ചടങ്ങില് അപ്പോളോ ഹോസ്പിറ്റല്സ് ഗ്രൂപ്പിന്റെ ജോയിന്റ് മാനേജിങ് ഡയറക്ടര് ഡോ. സംഗീത റെഡ്ഡി ഗാരുവാണ് (ഡോ. സംഗീത റെഡ്ഡിയാണ്) പുതിയ സംരംഭം ഔദ്യോഗികമായി പ്രഖ്യാപിച്ചത്. ആരോഗ്യസൗഹൃദ ഭക്ഷണശീലങ്ങള് പാലിക്കുന്ന ഉപഭോക്താക്കളെ ലക്ഷ്യമിടുന്ന ഈ ശ്രേണിയില്, ധാന്യങ്ങള്, നൂഡില്സ്, കുക്കികള്, റെഡി-ടു-കുക്ക് ഭക്ഷണങ്ങള് എന്നിവ ഉള്പ്പെടുന്ന 18 ഉല്പ്പന്നങ്ങളാണ് ആദ്യഘട്ടത്തില് വിപണിയിലെത്തുന്നത്. 95 രൂപ തുടക്കവിലയിലാണ് ഓരോ യൂണിറ്റും ലഭ്യമാകുന്നത്.
മില്ലറ്റ് മാര്വല്സ് സംരംഭം വഴി തെനാലി ഡബ്ള് ഹോഴ്സ് ഗ്രൂപ്പ്, ആരോഗ്യം മുന്നിര്ത്തിയ വിവിധ ഭക്ഷണവിഭാഗങ്ങളിലേക്കുള്ള പ്രവേശനം ഉറപ്പാക്കുന്നു. വിപണിയുടെ ആദ്യഘട്ടത്തില് ആന്ധ്രാപ്രദേശ്, തെലങ്കാന സംസ്ഥാനങ്ങളിലായാണ് ശ്രദ്ധ കേന്ദ്രീകരിക്കുക. പിന്നീട് ഇന്ത്യയുടെ മറ്റ് ഭാഗങ്ങളിലേക്കും യുഎസ്എ, കാനഡ, ന്യൂസിലാന്റ്, ഓസ്ട്രേലിയ, ഗള്ഫ് രാജ്യങ്ങള് തുടങ്ങിയ അന്താരാഷ്ട്ര വിപണികളിലേക്കും വ്യാപിക്കുവാനും ലക്ഷ്യമുണ്ട്. ‘റൂറല് ട്ടു ഗ്ലോബല്’ എന്ന കമ്പനിയുടെ ദൗത്യം ഊന്നിപ്പറഞ്ഞുകൊണ്ട്, തെനാലി ഗ്രൂപ്പിന്റെ ചെയര്മാനും മാനേജിങ് ഡയറക്ടറുമായ മോഹന് ശ്യാം പ്രസാദ് മുനഗല, അടുത്ത മൂന്ന് വര്ഷത്തിനുള്ളില് കമ്പനി നിലവിലെ വരുമാനത്തിന്റെ 5% മില്ലറ്റ് മാര്വല്സ് വഴി സമ്പാദിക്കാന് ലക്ഷ്യമിടുന്നുവെന്ന് അറിയിച്ചു. 2005-ല് ഉരദ് ഗോത ഉല്പ്പന്നം മുഖേനയായിരുന്നു തെനാലി ഡബ്ള് ഹോഴ്സ് ഗ്രൂപ്പിന്റെ തുടക്കം. ഇന്ന്, 12 രാജ്യങ്ങളിലും 15 ഇന്ത്യന് സംസ്ഥാനങ്ങളിലും സാന്നിധ്യമുള്ള, ഫോര്ച്യൂണ് 500 കോടി കമ്പനികാലില് ഒന്നായി വളര്ന്നിരിക്കുകയാണ്