രാജപുരം: കള്ളാര് ഗ്രാമപഞ്ചായത്തില് പട്ടികവര്ഗ്ഗ വികസന വകുപ്പിന്റെയും, ഗ്രാമപഞ്ചായത്തിന്റെയും, അക്ഷയ ജില്ലാ പ്രോജക്ട് ഓഫീസിന്റയും നേതൃത്വത്തില്, എ ബി സി ഡി ക്യാമ്പയിന് പൂടംകല്ല് ബഡ്സ് സ്കൂളില് പഞ്ചായത്ത് പ്രസിഡന്റ് ടി.കെ നാരായണന്റെ അധ്യക്ഷതയില് സബ് കളക്ടര് പ്രതീക് ജെയിന് ഐ എ എസ് ഉദ്ഘാടനം ചെയ്തു. ഐ ടി മിഷന് ജില്ലാ കോഡിനേറ്റര് കപില് ദേവ്, പഞ്ചായത്ത് വൈസ് പ്രസിഡന്റ് പ്രിയ ഷാജി, പഞ്ചായത്ത് സ്ഥിരം സമിതി അധ്യക്ഷരായ കെ ഗോപി, ഗീത പി, സന്തോഷ് വി ചാക്കോ, ബ്ലോക്ക് പഞ്ചായത്തംഗം രേഖ സി, പഞ്ചായത്തംഗവും പട്ടികവര്ഗ്ഗ വര്ക്കിംങ്ങ് ഗ്രൂപ്പ് ചെയര്മാനുമായ ബി അജിത്ത് കുമാര്, മെഡിക്കല് ഓഫീസര് ഡോ. സി സുകു എന്നിവര് സംസാരിച്ചു. ട്രൈബല് ഡവലപ്മെന്റ് ഓഫിസര് അബ്ദുള് സലാം സ്വാഗതവും പഞ്ചായത്ത് സെക്രട്ടറി പ്രേമ പി നന്ദിയും പറഞ്ഞു.
കള്ളാര് ഗ്രാമപഞ്ചായത്തിലെ മുഴുവന് പട്ടികവര്ഗ്ഗ വിഭാഗക്കാര്ക്കും 6 അടിസ്ഥാന രേഖകള് തയ്യാറാക്കുന്നതിലേക്കാണ് ക്യാമ്പ് നടന്നത്. 237 വ്യക്തികള്ക്കായി 322 സേവനങ്ങള് നല്കി. ആധാര് 60,റേഷന് കാര്ഡ് 28,ഇലക്ഷന് ഐഡി 42,ഹെല്ത്ത് ഇന്ഷുറന്സ് 48,ബാങ്ക് അക്കൗണ്ട് 12,ഡിജി ലോക്കര് 102, റെസിഡന്ഷ്യല് സര്ട്ടിഫിക്കറ്റ് 10, ഇ ഡിസ്ട്രിക്ട് സേവനങ്ങള് 20 എന്നിവ പൊതുജനങ്ങള്ക്കായി നല്കി.കാസര്കോട് ജില്ലയില് എബിസിഡി പദ്ധതി നടപ്പാലാക്കുന്ന ഏഴാമത്തെ പഞ്ചായത്ത് ആണ് കള്ളാര്.ക്യാമ്പില് പങ്കെടുക്കാന് സാധിക്കാത്ത കള്ളാര് പഞ്ചായത്തിലെ പട്ടികവര്ഗ്ഗ വ്യക്തികള്ക്ക് ഒരുമാസ കാലയളവിലേക്ക് ഗോത്ര സൗഹൃദ കൗണ്ടറുകള് അക്ഷയ കേന്ദ്രങ്ങളില് സജ്ജീകരിച്ച് സൗജന്യമായി രേഖകള് ലഭിക്കാനുള്ള സൗകര്യം ഉണ്ടായിരിക്കും.
പദ്ധതി നടപ്പിലാക്കുന്നതിലേക്കായി സിവില് സപ്ലൈസ് വകുപ്പ്, റവന്യൂ വകുപ്പ്, സ്റ്റേറ്റ് ഹെല്ത്ത് ഏജന്സി, ആരോഗ്യവകുപ്പ്, ലീഡ് ബാങ്ക്,തദ്ദേശ സ്വയംഭരണ വകുപ്പ്, സെന്റ് പയസ് രാജപുരം കോളേജിലെ എന്എസ്എസ് വിദ്യാര്ത്ഥികള്, ഹരിത കര്മ്മ സേനാംഗങ്ങള്, അക്ഷയ സംരംഭകര്, ഊരു മൂപ്പന്മാര്, ഇലക്ഷന് ഐഡി വകുപ്പ്, പട്ടികവര്ഗ്ഗ വികസന വകുപ്പിലെ പ്രമോട്ടര്മാര്, മറ്റു ഉദ്യോഗസ്ഥര് എന്നിവര് പങ്കെടുത്തു.