കാഞ്ഞങ്ങാട്: കാഞ്ഞങ്ങാട് സൗത്ത് തളാപ്പന് വലിയ വീട് തറവാട് കുടുംബസംഗമവും ആദരിക്കല് ചടങ്ങും പ്രഭാഷണവും നാടന് പാട്ട് അവതരണവും നടന്നു.തറവാട് തന്ത്രി ബ്രഹ്മശ്രീ പത്മനാഭ പട്ടേരി ചടങ്ങ് ഉദ്ഘാടനം ചെയ്തു. തറവാട് പ്രസിഡണ്ട് ഇടപ്പണി പത്മനാഭന് അധ്യക്ഷത വഹിച്ചു. സാംസ്കാരിക പ്രവര്ത്തകനും പ്രഭാഷകനുമായ വല്സന് പിലിക്കോട് മുഖ്യ പ്രഭാഷണം നടത്തി. ചടങ്ങില് വച്ച് തറവാട് മുതിര്ന്ന അംഗങ്ങളെ തന്ത്രി പത്മനാഭ പട്ടേരി ആദരിച്ചു. കൂടാതെ വിവിധ പരീക്ഷകളില് ഉന്നത വിജയം നേടിയവരെയും വിവിധ മേഖലകളില് കഴിവ് തെളിയിച്ചവരെയും തറവാട് യു.എ.ഇ കമ്മിറ്റി അംഗങ്ങളെയും അനുമോദിക്കുകയും ചെയ്തു. തറവാട് മാതൃ സമിതി സെക്രട്ടറി രമ്യ ഗിരിശാന്ത് ആശംസ അറിയിച്ചു. തറവാട് സെക്രട്ടറി നാരായണന് പുതുക്കുന്ന് സ്വാഗതവും വൈസ് പ്രസിഡണ്ട് രാജന് ഐങ്ങോത്ത് നന്ദിയും പറഞ്ഞു. തുടര്ന്ന് ഫോക്ലോര് അവാര്ഡ് ജേതാവ് രവി വാണിയംപാറയും സംഘവും ചേര്ന്ന് നാടന്പാട്ട് അവതരണം നടത്തി. ആയിരത്തില് പരം തറവാട് അംഗങ്ങള് ഒത്തുചേര്ന്ന കുടുംബ സംഗമത്തില് വിഭവ സമൃദ്ധമായ സദ്യയും നല്കി.