രാജപുരം:കാഞ്ഞങ്ങാട് – പാണത്തൂര് – മടിക്കേരി അന്തര്സംസംസ്ഥാന റോഡിന്റെ കേരളത്തിന്റെ ഭാഗമായ കാഞ്ഞങ്ങാട് – പാണത്തൂര് റോഡിലെ പൂടംകല്ല് മുതല് ചിറങ്കടവ് വരെയുള്ള റോഡിന്റെ പൂര്ത്തീകരണത്തിനായി 59.5 കോടി രൂപ കിഫ്ബിയില്പെടുത്തി അനുവദിച്ചുകൊണ്ട് റോഡ് ഫണ്ട് ബോര്ഡ് മുഖേന സര്ക്കാര് കുദ്രോളി ബില്ഡേഴ്സിന് രണ്ടുവര്ഷം മുമ്പ് കരാര് കൊടുത്തെങ്കിലും ഈ റോഡിന്റെ പണി പൂര്ത്തിയാകാതെ നിലവില് രണ്ടുവര്ഷം പൂര്ത്തിയായിരിക്കുകയാണ്.റോഡിന്റെ പണി പൂര്ത്തീകരിക്കുന്നതിന് വേണ്ടി സര്ക്കാരിന്റെയും പി ഡബ്ലു ഡി റോഡ് ഫണ്ട് ബോര്ഡ് വകുപ്പിന്റെയും ഭാഗത്തുനിന്ന് ഒരു ഇടപെടലും നടക്കാത്തത് നിര്ഭാഗ്യകരമാണെന്നും ഇത് ജനങ്ങളോടുള്ള വെല്ലുവിളിയാണെന്നും, മലയോരത്തെ വളരെ പ്രധാനപ്പെട്ട റോഡിനോട് സര്ക്കാര് കാണിക്കുന്ന ഈ അവഗണനക്കെതിരെയും മലയോര വികസന പ്രവര്ത്തനങ്ങളെ സ്തംഭിപ്പിക്കുന്ന പ്രവര്ത്തനങ്ങളുമായാണ് സര്ക്കാര് മുന്നോട്ടുപോകുന്നതെങ്കില് ശക്തമായ സമരപരിപാടികള് പാര്ട്ടി സംഘടിപ്പിക്കുമെന്ന് പി.കെ ഫൈസല് പറഞ്ഞു. പനത്തടി മണ്ഡലം കോണ്ഗ്രസ് കമ്മിറ്റി ബളാംതോട് സംഘടിപ്പിച്ച ധര്ണ സമരം ഉദ്ഘാടനം ചെയ്തുകൊണ്ട ്സംസാരിക്കുകയായിരുന്നു. പനത്തടി പഞ്ചായത്ത് മേഖലയില് സ്റ്റേറ്റ് ഹൈവേയുടെ’ ജോലികള് ഉടന് ആരംഭിക്കണമെന്ന് മുഖ്യപ്രഭാഷണം നടത്തിക്കൊണ്ട് ഡി.സി.സി ജനറല് സെക്രട്ടറി പി വി സുരേഷ് സര്ക്കാറിനോടും പി.ഡബ്ല്യു.ഡി യോടും ആവശ്യപ്പെട്ടു.പനത്തടി മണ്ഡലം കോണ്ഗ്രസ് പ്രസിഡന്റ് കെ.ജെ ജെയിംസ് അധ്യക്ഷത വഹിച്ചു. ബളാല് പഞ്ചായത്ത് പ്രസിഡന്റ് കട്ടക്കയം രാജു, കരിക്കെ പഞ്ചായത്ത് പ്രസിഡന്റ് കെ. ബാലചന്ദ്രന് കാട്ടൂര്, തോമസ് ടി തയ്യില്, എം കുഞ്ഞമ്പു നായര് അഞ്ചനമുക്കുട്, ബളാല് ബ്ലോക്ക് പ്രസിഡന്റ് മധുസൂദനന് ബാലൂര്, ജോണി തോലമ്പുഴ, മധുസൂദനന് റാണിപുരം എം.എം തോമസ്, സണ്ണി ഇലവുങ്കല് ,സുപ്രിയ അജിത്ത്, കെ വിജയന്, രാധ സുകുമാരന്, ജോസ് നാഗരോലില്,അജീഷ് കുമാര് , എം ശ്രീധരന്,കെ സുകുമാരന് തുടങ്ങിയവര് പ്രസംഗിച്ചു. എം ജയകുമാര് സ്വാഗതവും എന് .വിന്സന്റ് നന്ദിയും പറഞ്ഞു.