പെരിയ: കേരള കേന്ദ്ര സര്വകലാശാലയിലെ ഇന്റഗ്രേറ്റഡ് ടീച്ചര് എജ്യൂക്കേഷന് പ്രോഗ്രാമില് (ഐടിഇപി) വിവിധ വിഷയങ്ങളില് ഗസ്റ്റ് ഫാക്കല്റ്റി ഒഴിവുകളിലേക്ക് വാക്ക് ഇന് ഇന്റര്വ്യൂ നടത്തുന്നു. ഇംഗ്ലീഷ് (ഒബിസി), പൊളിറ്റിക്കല് സയന്സ് (യുആര്), സുവോളജി (യുആര്), ഹിന്ദി (ഒബിസി), മലയാളം (യുആര്), കൊമേഴ്സ് (ഇഡബ്ല്യുഎസ്) എന്നീ വിഷയങ്ങളില് ഓരോ ഒഴിവ് വീതമാണുള്ളത്. ബന്ധപ്പെട്ട വിഷയങ്ങളില് 55 ശതമാനം മാര്ക്കോടെ ബിരുദാനന്തര ബിരുദം, 55 ശതമാനം മാര്ക്കോടെ ബിഎഡ്, ബന്ധപ്പെട്ട വിഷയങ്ങളിലോ എജ്യൂക്കേഷനിലോ യുജിസി നെറ്റ്/ അംഗീകൃത സ്ലെറ്റ്/ സെറ്റ് അല്ലെങ്കില് യുജിസി മാനദണ്ഡപ്രകാരമുള്ള പിഎച്ച്ഡി എന്നിവയാണ് അടിസ്ഥാന യോഗ്യതകള്. ഇംഗ്ലീഷ്, പൊളിറ്റിക്കല് സയന്സ്, സുവോളജി വിഷയങ്ങളില് സെപ്തംബര് 23നും ഹിന്ദി, മലയാളം, കൊമേഴ്സ് വിഷയങ്ങളില് സെപ്തംബര് 24നുമാണ് ഇന്റര്വ്യൂ. താത്പര്യമുള്ളവര് അതാത് ദിവസങ്ങളില് പെരിയ ക്യാമ്പസില് എത്തിച്ചേരേണ്ടതാണ്. കൂടുതല് വിവരങ്ങള്ക്ക് ംംം.രൗസലൃമഹമ.മര.ശി സന്ദര്ശിക്കുക.