തിരുവനന്തപുരം; ഇനി കെഎസ്ആര്ടിസിയെ സാമ്ബത്തികമായി സഹായിക്കാനാകില്ലെന്ന് ധനവകുപ്പിന്റെ അന്ത്യശാസനം. ജൂലൈ മാസത്തെ കെഎസ്ആര്ടിസി പെന്ഷന്റെ ഫയല് ധനവകുപ്പ് തിരിച്ചയച്ചു.കഴിഞ്ഞദിവസം ജൂണ് മാസത്തെ ശമ്ബളത്തിന്റെ ആദ്യഗഡുവിന് ധനവകുപ്പിനെ സമീപിച്ചപ്പോഴും ഈ നിലപാട് വ്യക്തമാക്കിയ ശേഷമാണ് 30 കോടി അനുവദിച്ചത്. എന്നാല്, സഹായം തുടരേണ്ടതിന്റെ ആവശ്യകത ബോധ്യപ്പെടുത്തി വിശദമായ മറുപടി ഗതാഗതമന്ത്രി ധനവകുപ്പിനു നല്കിയിട്ടുണ്ട്.കെഎസ്ആര്ടിസി വര്ഷങ്ങള്ക്കു മുന്പ് എടുത്ത വായ്പ തിരിച്ചടയ്ക്കാത്തതിനെ തുടര്ന്ന് പ്രതിസന്ധിയിലായ കേരള ട്രാന്സ്പോര്ട്ട് ഡവലപ്മെന്റ് ഫിനാന്സ് കോര്പറേഷന്റെയും കേരള ബാങ്കിന്റെയും നിലനില്പിനായി 625 കോടി രൂപയുടെ സഹായം ധനവകുപ്പ് കഴിഞ്ഞ മാര്ച്ചില് നല്കിയിരുന്നു.കെഎസ്ആര്ടിസിക്ക് വര്ഷങ്ങള്ക്കു മുന്പു കെടിഡിഎഫ്സി വായ്പ നല്കിയത് ജില്ലാ ബാങ്കുകളില് നിന്നു കടമെടുത്തായിരുന്നു.