60 ശതമാനത്തോളം പൊള്ളലേറ്റ സിനാനെ അതീവ ഗുരുതരാവസ്ഥയില് കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചു
ട്രെയിനിന് മുകളില് കയറി സെല്ഫി എടുക്കാന് ശ്രമം; ഷോക്കേറ്റ് വിദ്യാര്ത്ഥിക്ക് പരിക്ക്കോഴിക്കോട് തിക്കോടി റെയില്വേ സ്റ്റേഷന് സമീപം നിര്ത്തിയിട്ട ഗുഡ്സ് ട്രെയിനിന് മുകളില് കയറി സെല്ഫി എടുക്കാന് ശ്രമിച്ച വിദ്യാര്ത്ഥിക്ക് ഷോക്കേറ്റ് ഗുരുതരമായി പരിക്കേറ്റു. പയ്യോളി സ്വദേശി മുഹമ്മദ് സിനാന് (17) ആണ് അപകടത്തില്പ്പെട്ടത്. 60 ശതമാനത്തോളം പൊള്ളലേറ്റ സിനാനെ അതീവ ഗുരുതരാവസ്ഥയില് കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചു.കഴിഞ്ഞദിവസമാണ് നാടിനെ നടുക്കിയ ഈ സംഭവം ഉണ്ടായത്. ട്രെയിനിന് മുകളിലൂടെ കടന്നുപോകുന്ന അതീവ പ്രസരണശേഷിയുള്ള വൈദ്യുത ലൈനില് നിന്നാണ് വിദ്യാര്ത്ഥിക്ക് ഷോക്കേറ്റത്. സെല്ഫി എടുക്കാനുള്ള സാഹസിക ശ്രമത്തിനിടെ വലിയ ശബ്ദത്തോടെ പൊട്ടിത്തെറി ഉണ്ടാവുകയായിരുന്നുവെന്ന് ദൃക്സാക്ഷികള് പറയുന്നു. റെയില്വേ ട്രാക്കുകളിലും ട്രെയിനുകള്ക്ക് മുകളിലും കയറുന്നത് അപകടമാണെന്ന മുന്നറിയിപ്പുകള് അവഗണിക്കുന്നതാണ് ഇത്തരത്തിലുള്ള ദുരന്തങ്ങള്ക്ക് കാരണമാകുന്നത്.