മഴയോടൊപ്പം തന്നെ മണിക്കൂറില് 40 കിലോമീറ്റര് വരെ വേഗതയില് വീശിയേക്കാവുന്ന ശക്തമായ കാറ്റിനും ഇടിമിന്നലിനും സാധ്യതയുള്ളതിനാല് പൊതുജനങ്ങള് ജാഗ്രത പാലിക്കണം
സംസ്ഥാനത്ത് വരും മണിക്കൂറുകളില് വിവിധ ജില്ലകളില് ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. മലപ്പുറം, കോഴിക്കോട്, കണ്ണൂര് എന്നീ ജില്ലകളിലാണ് പ്രധാനമായും മഴ മുന്നറിയിപ്പുള്ളത്. ഇന്നും അടുത്ത മൂന്ന് മണിക്കൂറിനുള്ളിലും ഈ ജില്ലകളില് നേരിയ മഴയ്ക്ക് സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം രാവിലെ പുറത്തിറക്കിയ ബുള്ളറ്റിനില് വ്യക്തമാക്കുന്നു.മഴയോടൊപ്പം തന്നെ മണിക്കൂറില് 40 കിലോമീറ്റര് വരെ വേഗതയില് വീശിയേക്കാവുന്ന ശക്തമായ കാറ്റിനും ഇടിമിന്നലിനും സാധ്യതയുള്ളതിനാല് പൊതുജനങ്ങള് ജാഗ്രത പാലിക്കണം. വടക്കന് കേരളത്തിലെ ഈ മൂന്ന് ജില്ലകളില് ഉള്ളവര് മുന്കരുതല് നടപടികള് സ്വീകരിക്കണമെന്ന് അധികൃതര് നിര്ദ്ദേശിച്ചു. കഴിഞ്ഞ ദിവസങ്ങളില് അനുഭവപ്പെട്ട കനത്ത ചൂടിന് ആശ്വാസമായി ഈ വേനല്മഴ മാറുമെന്നാണ് പ്രതീക്ഷിക്കുന്നത്.