കൊച്ചി: 108- ാം സ്ഥാപക ദിനത്തോടനുബന്ധിച്ച് ഫെഡറല് ബാങ്ക് രാജ്യവ്യാപകമായി നടത്തിയ ‘ഡ്രോപ്സ് ഓഫ് ഹോപ് 3.0’ രക്തദാനയജ്ഞത്തിലൂടെ 80 ലക്ഷം മില്ലിലിറ്റര് രക്തം സമാഹരിച്ചു. ഫെഡറല് ബാങ്ക് ജീവനക്കാരുടെ സന്നദ്ധ സംരംഭമായ സണ്ഷൈന്, രാജ്യത്തെ 312 ഇടങ്ങളില് നടത്തിയ രക്തദാന ക്യാംപുകളിലൂടെയാണ് ഇത്രയും രക്തം ശേഖരിച്ചത്. ഏകദേശം 70,284 ജീവനുകള് രക്ഷിക്കാന് പര്യാപ്തമായ അളവാണിത്. തുടര്ച്ചയായ മൂന്നാം വര്ഷമാണ് ഫെഡറല് ബാങ്ക് രാജ്യവ്യാപക രക്തദാന യജ്ഞം സംഘടിപ്പിക്കുന്നത്.
ബാങ്കിങ് പ്രവര്ത്തനങ്ങള്ക്കുപരി സമൂഹത്തിനാകെ നന്മ ലക്ഷ്യമിട്ടുള്ള പ്രവര്ത്തനങ്ങള് നടത്തുകയെന്ന ഫെഡറല് ബാങ്ക് സ്ഥാപകന്റെ കാഴ്ചപ്പാടിനോടുള്ള ആദരവായാണ് ഡ്രോപ്സ് ഓഫ് ഹോപ് 3.0 സംഘടിപ്പിച്ചതെന്ന് ഫെഡറല് ബാങ്ക് ചീഫ് എച്ച് ആര് ഓഫീസര് രാജനാരായണന് എന് പറഞ്ഞു. രക്തദാനത്തില് അണിചേര്ന്നവരില് 82 ശതമാനവും പൊതുജനങ്ങളാണെന്നത് ഫെഡറല് ബാങ്കിന് സമൂഹത്തോടുള്ള സാമൂഹിക പ്രതിബദ്ധയുടെ പ്രാധാന്യത്തെ തെളിയിക്കുന്നതായും അദ്ദേഹം കൂട്ടിച്ചേര്ത്തു. ആകെ 17,607 പേരാണ് രക്തദാനം നടത്തിയത്. രക്തദാനയജ്ഞത്തിന്റെ ആദ്യ എഡിഷനെ അപേക്ഷിച്ച് പതിമൂന്നര ഇരട്ടി ആളുകളാണ് ഇത്തവണ പങ്കെടുത്തത്