കേരള സംസ്ഥാന പിന്നോക്ക വിഭാഗ വികസന കോര്പ്പറേഷന് കാസര്കോട് ജില്ലാ ഓഫീസിന്റെ സഹകരണത്തോടെ മുള്ളേരിയ റോസല്ല ഓഡിറ്റോറിയത്തില് കാറഡുക്ക സി.ഡി.എസ്സ്-ന് മൈക്രോ ക്രെഡിറ്റ് വായ്പ വിതരണം നടത്തി. കാറഡുക്ക ഗ്രാമ പഞ്ചായത്ത് പ്രസിഡന്റ് അഡ്വ. ഗോപാലകൃഷ്ണ ഭട്ട് അധ്യക്ഷത വഹിച്ചു. ചടങ്ങില് എന്.എ നെല്ലികുന്ന് എം.എല്.എ ഉദ്ഘാടനം ചെയ്ത്, യല്ക്കൂട്ടങ്ങള്ക്കുള്ള വായ്പതുകയായ 3,00,00,000 രൂപ വിതരണം നടത്തി. കെ.എസ്.ബി.സി.ഡി.സി കാസര്കോട് ജില്ലാ മാനേജര് എന്.എം മോഹനന് കോര്പ്പറേഷന്റെ വിവിധ വായ്പാപദ്ധതികളെ സംബന്ധിച്ചും വായ്പ തിരിച്ചടവ് സംബന്ധിച്ചും വിവരണം നല്കി. അസിസ്റ്റന്റ് ജില്ലാ മിഷന് കോര്ഡിനേറ്റര് ഹരിദാസ്, കാറഡുക്ക ഗ്രാമ പഞ്ചായത്ത് വികസനകാര്യാ സ്റ്റാന്റിംഗ് കമ്മിറ്റി ചെയര്പേഴ്സണ് കെ.മുഹമ്മദ് നാസര്, ക്ഷേമകാര്യ സ്റ്റാന്റിംഗ് കമ്മിറ്റി ചെയര്പേഴ്സണ് പുഷ്പ, മെമ്പര്മാരായ ചിത്രകല ടി.എന്, താഹിറ, സത്യാവതി, എ.പ്രസിജ , രൂപ സത്യന് എന്നിവര് സംസാരിച്ചു. കെ.എസ്.ബി.സി.ഡി.സി കാസര്കോട് പ്രൊജക്റ്റ് അസിസ്റ്റന്റ് ഇര്ഷാദ്.കെ.കെ കോര്പ്പറേഷന്റെ വിവിധ വായ്പാപദ്ധതികള് സംബന്ധിച്ച് വിവരണം നല്കി. കാറഡുക്ക സി.ഡി.എസ്സ് ചെയര്പേഴ്സണ് സവിത നാരായണന് സ്വാഗതവും കാറഡുക്ക ഗ്രാമ പഞ്ചായത്ത് സെക്രട്ടറി എ.അജേഷ് നന്ദിയും പറഞ്ഞു.