തിരുവനന്തപുരം: രാഷ്ട്രപതി ദ്രൗപതി മുര്മു ഇന്ന് കേരളത്തില് എത്തും. നാല് ദിവസത്തെ സന്ദര്ശനത്തിനായാണ് രാഷ്ട്രപതി എത്തുന്നത്. ഇന്ന് വൈകീട്ട് ആറരയോടെയായിരിക്കും എത്തുക. നാളെ ശബരിമല ദര്ശനം നടത്തും. നാളെ രാവിലെ ഹെലിപാഡില് നിലയ്ക്കലില് എത്തിയ ശേഷം റോഡ് മാര്ഗമായിരിക്കും പമ്പയിലേക്ക് പോകുക.
ഉച്ചയോടെയായിരിക്കും ശബരിമല ദര്ശനം. തുടര്ന്ന് തിരുവനന്തപുരത്തേക്ക് മടങ്ങിയെത്തുന്ന രാഷ്ട്രപതി വിവിധ പരിപാടികളില് പങ്കെടുക്കും. രാഷ്ട്രപതിയുടെ സന്ദര്ശനത്തിന്റെ ഭാഗമായി കര്ശന സുരക്ഷയാണ് തിരുവനന്തപുരം നഗരത്തില് ഏര്പ്പെടുത്തിട്ടുള്ളത്.