ബെംഗളൂരു: കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെയെ ബെംഗളൂരുവിലെ ആശുപത്രിയില് പ്രവേശിപ്പിച്ചു. ഇന്ന് രാവിലെയാണ് ഖാര്ഗെയെ ചികിത്സയ്ക്കായി എം.എസ്. രാമയ്യ ആശുപത്രിയില് പ്രവേശിപ്പിച്ചത്. പനിയും ശ്വാസതടസ്സവും അനുഭവപ്പെട്ടതിനെ തുടര്ന്നാണ് അദ്ദേഹത്തെ ആശുപത്രിയിലേക്ക് മാറ്റിയത്. നിലവില് ആരോഗ്യനിലയില് ആശങ്കപ്പെടേണ്ട സാഹചര്യമില്ലെന്നും അദ്ദേഹം ഡോക്ടര്മാരുടെ നിരീക്ഷണത്തിലാണെന്നും കോണ്ഗ്രസ് നേതാക്കള് അറിയിച്ചു.
സെപ്റ്റംബര് 24-ന് പട്നയില് നടന്ന കോണ്ഗ്രസ് പ്രവര്ത്തക സമിതിയുടെ വിപുലമായ യോഗത്തില് ഖാര്ഗെ പങ്കെടുത്തിരുന്നു. ഒക്ടോബര് 7-ന് നാഗാലാന്ഡിലെ കൊഹിമയില് നടക്കാനിരിക്കുന്ന പൊതു റാലിയില് അദ്ദേഹം പങ്കെടുക്കാനിരിക്കെയാണ് ആരോഗ്യപ്രശ്നങ്ങളെ തുടര്ന്ന് ആശുപത്രിയിലായത്.