തിരുവനന്തപുരം: പ്രായപൂര്ത്തിയാകാത്ത ആണ്കുട്ടിയെ ലഹരി നല്കി ലൈംഗികമായി പീഡിപ്പിച്ച ബന്ധു അറസ്റ്റില്. വിതുര സ്വദേശി അഖില് അച്ചു(20) ആണ് അറസ്റ്റിലായത്. ഒരു വര്ഷം മുന്പായിരുന്നു കേസിനാസ്പദമായ സംഭവം നടന്നത്. ബന്ധുവായ 13 കാരനെ നിരന്തരമായി പ്രതി പീഡിപ്പിച്ചിരുന്നു.
പിന്നീട് കുട്ടിയും കുടുംബവും മറ്റൊരിടത്ത് താമസമാക്കുകയും അമിതമായി ലഹരിയോട് ആസക്തി കാണിച്ചിരുന്ന കുട്ടിയുടെ പെരുമാറ്റത്തില് വീട്ടുകാര്ക്ക് സംശയം തോന്നുകയും ചെയ്തതോട മാതാപിതാക്കള് കാര്യങ്ങള് കുട്ടിയോട് ചോദിച്ചു. തുടര്ന്നാണ് ബന്ധുവായ അഖില് തന്നെ നിരന്തരമായി പീഡിപ്പിച്ചിരുന്ന കാര്യം മാതാപിതാക്കളോട് കുട്ടി പറഞ്ഞത്. ഉടനെ മാതാപിതാക്കള് ചൈല്ഡ് ലൈനിനെ വിവരമറിയിക്കുകയും കൗണ്സിലിംഗിലൂടെ വിവരങ്ങള് ശേഖരിച്ച ശേഷം പൊലീസിനെ അധികൃതര് വിവരം അറിയിക്കുകയുമായിരുന്നു. അതിന്റെ അടിസ്ഥാനത്തിലാണ് അഖിലിനെ പൊലീസ് അറസ്റ്റ് ചെയ്തത്.