ലഖ്നൗ: യുവതിയെ ഭര്ത്താവ് വെട്ടിക്കൊലപ്പെടുത്തി. യുപിയിലെ ഗൗതമ ബുദ്ധ നഗര് ജില്ലയിലെ രാംപൂര് ഫത്തേപൂര് ഗ്രാമത്തിലാണു സംഭവം. ഇരുപത്തെട്ടുകാരിയായ ചഞ്ചല് ശര്മ എന്ന യുവതിയെയാണ് ഭര്ത്താവ് സോനു ശര്മ കൊലപ്പെടുത്തിയത്. അവിഹിത ബന്ധമുണ്ടെന്ന സംശയത്തെ തുടര്ന്നാണ് യുവാവ് സ്വന്തം ഭാര്യയെ ക്രൂരമായി കൊലപ്പെടുത്തിയത്. പ്രതി സോനു ശര്മയെ പൊലീസ് അറസ്റ്റു ചെയ്തു.
എട്ടുവര്ഷം മുമ്പായിരുന്നു ചഞ്ചലിനെ സോനു വിവാഹം കഴിച്ചത്. ഗ്രാമത്തിലെ വാടകവീട്ടിലായിരുന്നു ഇവര് താമസിച്ചിരുന്നത്. ഭാര്യ തന്നെ വഞ്ചിക്കുകയാണെന്ന സംശയം സോനുവിനുണ്ടായിരുന്നു. ഇതേച്ചൊല്ലി ഞായറാഴ്ച രാവിലെ ഇരുവരും വഴക്കിട്ടു. പിന്നാലെ സോനു ഭാര്യയെ വെട്ടിക്കൊലപ്പെടുത്തുകയായിരുന്നു.