ഇപ്പോള് നിത്യജീവിതത്തിന്റെ ഭാഗമായി കഴിഞ്ഞിരിക്കുന്ന ഒന്നാണ് QR കോഡുകള്. എല്ലാ QR കോഡുകളെയും കണ്ണടച്ച് വിശ്വസിക്കാന് സാധിക്കില്ല. സ്കാന് ചെയ്യുന്നതിന് മുമ്പ് നിങ്ങളുടെ ഫോണിലെ ഡേറ്റ സുരക്ഷിതമായിരിക്കാന് QR കോഡ് കേരള പൊലീസ് നല്കിയിരിക്കുന്ന ഈ നിര്ദേശങ്ങള് അറിഞ്ഞിരിക്കുക.
കേരള പൊലീസ് ഫേസ്ബുക്ക് പോസ്റ്റ്
ആധുനികജീവിതത്തില് QR കോഡുകളുടെ സ്ഥാനം ഒഴിവാക്കാനാവാത്ത വിധം മാറിക്കഴിഞ്ഞു. QR കോഡുകള് സ്കാന് ചെയ്യുമ്പോള് അറിഞ്ഞിരിക്കേണ്ട ചില വസ്തുതകള് ഉണ്ട്.
QR കോഡ് ഉപയോഗിച്ച് ഒരു ലിങ്ക് തുറക്കുമ്പോള്, URL സുരക്ഷിതമാണെന്നും വിശ്വസനീയമായ ഉറവിടത്തില് നിന്നാണ് വരുന്നതെന്നും ഉറപ്പാക്കേണ്ടത് പ്രധാനമാണ്.
ഇമെയിലിലെയും SMS ലെ യും സംശയകരമായ ലിങ്കുകള് ക്ലിക്കുചെയ്യുന്നത് അപകടകരമെന്നതുപോലെ QR കോഡുകള് നയിക്കുന്ന URL-കള് എല്ലാം ശരിയാകണമെന്നില്ല. ഫിഷിംഗ് വെബ്സൈറ്റിലേക്ക് നിങ്ങളെ കൊണ്ടുപോകാന് അതിനു കഴിഞ്ഞേക്കും.
QR കോഡ് സ്കാനര് APP- സെറ്റിംഗ്സില് ‘open URLs automatically’ എന്ന ഓപ്ഷന് നമ്മുടെ യുക്താനുസരണം സെറ്റ് ചെയ്യാം. നമ്മുടെ അറിവോടെ വെബ്സൈറ്റുകളില് പ്രവേശിക്കാനുള്ള അനുമതി നല്കുന്നതാണ് ഉചിതം.
അറിയപ്പെടുന്ന സേവന ദാതാക്കളില് നിന്ന് മാത്രം QR കോഡ് ജനറേറ്റ് ചെയ്യുക.
QR കോഡ് ഉപയോഗിച്ചുള്ള ഇടപാടുകള് നടത്തിയ ഉടനെ അക്കൗണ്ടിലെ ട്രാന്സാക്ഷന് വിശദാംശങ്ങള് പരിശോധിച്ച് ഉറപ്പുവരുത്തുക.
കസ്റ്റം QR കോഡ് ആപ്പുകള് ഡൗണ്ലോഡ് ചെയ്യുന്നത് ഒഴിവാക്കുക.
QR കോഡ് സ്കാന് ചെയ്യാന് കഴിയുന്നതും ഉപകരണ നിര്മ്മാതാവ് നല്കുന്ന വിശ്വസനീയമായ ആപ്പുകള് ഉപയോഗിക്കുക.
ഏതൊരു ടെക്നോളജിക്കും ഗുണത്തിനൊപ്പം ചില ദൂഷ്യവശങ്ങള് കൂടിയുണ്ടെന്ന് മനസിലാക്കുന്നത് കൂടുതല് കരുതലോടെ ഇവയെ സമീപിക്കാന് സഹായിക്കും.