കൊച്ചിയില് വന് എംഡിഎംഎ വേട്ട. കൊച്ചി നഗരത്തില് നടത്തിയ റെയ്ഡുകളില് പിടികൂടിയത് 34.40ഗ്രാം എംഡിഎംഎയാണ്. ഇന്നലെ 3 കേസുകളിലായി അറസ്റ്റിലായത് ഒരു സ്ത്രീ ഉള്പ്പെടെ അഞ്ചുപേരാണ്. തോപ്പുംപടി പൊലീസ് സ്റ്റേഷനില് മട്ടാഞ്ചേരി സ്വദേശി നാസിഫ്, തോപ്പുംപടി മുസ്തഫ എന്നിവരെയാണ് 14.52ഗ്രാം എംഡിഎംഎയുമായി പിടികൂടിയത്. സെന്ട്രല് സ്റ്റേഷനില് രജിസ്റ്റര് ചെയ്ത കേസിലാണ് യുവതി അറസ്റ്റിലായത്. എറണാകുളം ഷണ്മുഖപുരം സ്വദേശിനിയായ സിന്ധുവും പാലക്കാട് സ്വദേശി ഷാനവാസുമാണ് സെന്ട്രെല് സ്റ്റേഷനില് അറസ്റ്റിലായത്. ഇവരില് നിന്ന് 15.62ഗ്രാം എംഡിഎംഎയാണ് പിടികൂടിയത്. മൂന്നാമത്തെ കേസില് വിഷ്ണുരാജ് എന്ന യുവാവാണ് പാലാരിവട്ടം സ്റ്റേഷനില് അറസ്റ്റിലായത്. ഇയാളില് നിന്ന് 26ഗ്രാം എംഡിഎംഎയാണ് പിടികൂടിയത്.
അതേസമയം മറ്റൊരു സംഭവത്തില് എളമക്കര പോണേക്കര പള്ളിപ്പടി ചര്ച്ച് റോഡില് സമീപത്ത് നിന്നും 2.026 കിലോ കഞ്ചാവ് പിടികൂടി. ഹരേ കൃഷ്ണ നായക് എന്ന 26കാരനാണ് സംഭവത്തില് അറസ്റ്റിലായത്. ഒഡീഷയിലെ ഗഞ്ചം സ്വദേശിയാണ് ഇയാള്. ഇയാളില് നിന്നും ഈ വര്ഷം മെയ് മാസം ഒരു കിലോ കഞ്ചാവ് തൃപ്പൂണിത്തുറ ഹില്പാലസ് പൊലീസ് പിടികൂടിയിരുന്നു.