ന്യൂഡല്ഹി: സ്വാതന്ത്ര്യ ദിനാഘോഷവുമായി ബന്ധപ്പെട്ട് പുറത്തിറക്കിയ പോസ്റ്ററില് ഗാന്ധിജിക്ക് മുകളിലായി സവര്ക്കറുടെ ചിത്രം പ്രതിഷ്ഠിച്ച് പെട്രോളിയം മന്ത്രാലയം. സവര്ക്കര്, ഗാന്ധിജി, ഭഗത് സിംഗ്, നേതാജി സുഭാഷ് ചന്ദ്രബോസ് എന്നിങ്ങനെയാണ് ചിത്രം ഉള്പ്പെടുത്തിയിരിക്കുന്നത്. ചിത്രത്തില് ജവഹര്ലാല് നെഹ്റുവിന്റെ ചിത്രമില്ലെന്നതും ശ്രദ്ധേയേറിയ മറ്റൊരുകാര്യമാണ്. ‘നമ്മുടെ രാജ്യത്തിന്റെ സ്വാതന്ത്ര്യം ആഘോഷിക്കുമ്പോള്, ഐക്യത്തിലൂടെയും സഹാനുഭൂതിയിലൂടെയും പ്രവൃത്തിയിലൂടെയും എല്ലാ ദിവസവും അതിനെ പരിപോഷിപ്പിക്കുമ്പോഴാണ് സ്വാതന്ത്ര്യം അഭിവൃദ്ധി പ്രാപിക്കുന്നതെന്ന് നമുക്ക് ഓര്മ്മിക്കാം’, എന്ന ക്യാപ്ഷനോട് കൂടിയാണ് പെട്രോളിയം മന്ത്രാലയം ചിത്രം പങ്കുവെച്ചത്.