സായ് പല്ലവി നായികയായ ‘ഏക് ദിന്’ നവംബര് 7ന് തിയേറ്ററുകളില് റിലീസ് ചെയ്യും. ആമിര് ഖാന് പ്രൊഡക്ഷന്സിന്റെ ബാനറിലാണ് ചിത്രം ഒരുങ്ങുന്നത്. 17 വര്ഷത്തിന് ശേഷം ആമിര് ഖാനും മന്സൂര് ഖാനും നിര്മ്മാതാക്കളായി വീണ്ടും ഒന്നിക്കുന്നു എന്ന പ്രത്യേകതയും ഈ ചിത്രത്തിനുണ്ട്.
ജുനൈദ് ഖാനും സായ് പല്ലവിയും ആദ്യമായി ഒന്നിക്കുന്ന ചിത്രം കൂടിയാണിത്. സുനില് പാണ്ഡെ സംവിധാനം ചെയ്യുന്ന ‘ഏക് ദിന്’ ജുനൈദ് ഖാന്റെ മൂന്നാമത്തെ ചിത്രവും സായ് പല്ലവിയുടെ ബോളിവുഡ് അരങ്ങേറ്റവുമാണ്. ‘മഹാരാജ്’, ‘ലവ്യാപ’ എന്നീ ചിത്രങ്ങളിലൂടെ ശ്രദ്ധേയനായ ജുനൈദ് ഈ ചിത്രത്തില് ഒരു ജേര്ണലിസ്റ്റിന്റെ വേഷത്തില് എത്തുന്നതായി റിപ്പോര്ട്ടുകള് സൂചിപ്പിക്കുന്നു.
ആരാധകരുടെ പ്രിയപ്പെട്ട താരമായ സായ് പല്ലവി, ഈ ചിത്രത്തിലൂടെ ഹിന്ദി സിനിമയില് തന്റെ കഴിവ് തെളിയിക്കാന് ഒരുങ്ങുകയാണ്. 2008ല് പുറത്തിറങ്ങിയ ‘ജാനേ തു… യാ ജാനേ നാ’ എന്ന സൂപ്പര്ഹിറ്റ് ചിത്രത്തിന് ശേഷം ആമിര് ഖാനും മന്സൂര് ഖാനും ഒന്നിക്കുന്ന ഈ ചിത്രം ആരാധകര്ക്കിടയില് വലിയ പ്രതീക്ഷകള് ഉണര്ത്തിയിട്ടുണ്ട്.