രാജപുരം: സംസ്ഥാന സര്ക്കാര് നടപ്പിലാക്കുന്ന ആരോഗ്യം ആനന്ദം 2.0 ക്യാന്സര് പ്രതിരോധ ജനകീയ ക്യാമ്പയിന്റെ ജില്ലാതല ഉദ്ഘാടനം പരപ്പ ബ്ലോക്ക് പഞ്ചായത്ത് പ്രസിഡണ്ട് എം ലക്ഷ്മി നിര്വഹിച്ചു. ചുള്ളിക്കര മേരി ടാക്കീസ് ഓഡിറ്റോറിയത്തില് നടന്ന ചടങ്ങ് കള്ളാര് ഗ്രാമ പഞ്ചായത്ത് പ്രസിഡണ്ട് ടി കെ നാരായണന് അധ്യക്ഷത വഹിച്ചു. ജില്ലാ മെഡിക്കല് ഓഫീസ് (ആരോഗ്യം), ദേശീയ ആരോഗ്യ ദൗത്യം , താലൂക്ക് ആശുപത്രി പൂടം കല്ല് എന്നിവ യുടെ സംയുക്ത ആഭിമുഖ്യത്തിലാണ് പരിപാടി സംഘടിപ്പിച്ചത്.
2025 മെയ് 31 ലോക പുകയില വിരുദ്ധ ദിനത്തോടനുബന്ധിച്ച് തുടങ്ങുന്ന ആരോഗ്യം ആനന്ദം2.0 ക്യാമ്പയിന് വദ നാര്ബുദം, വന്കുടലിലെ അര്ബുദം എന്നിവയുടെ സ്ക്രീനിങ്ങും ചികിത്സയും അര്ബുദ പ്രതിരോധ ബോധവല്ക്കരണവുമാണ് ലക്ഷ്യമിടുന്നത്. ഇതിനോട് അനുബന്ധിച്ച് പുകയിലിക്കെതിരെ ബോധവല്ക്കരണം, പുകയില രഹിത വിദ്യാലയങ്ങള്, പുക യില നിയന്ത്രണ നിയമം 2003 നടപ്പാക്കല്, ടുബാക്കോ സെസേഷന് ക്ലിനിക്കുകള് എന്നിവയും ആരോഗ്യവകുപ്പിന്റെ നേതൃത്വത്തില് നടപ്പിലാക്കും.
പരിപാടിയുടെ ഭാഗമായി ബോധവല്ക്കരണ സെമിനാറും പുകയില വിരുദ്ധ പ്രതിജ്ഞയും സംഘടിപ്പിച്ചു. കാസറഗോഡ് ജില്ലാ പഞ്ചായത്ത് മെമ്പര് ശ്രീ ഷിനോജ് ചാക്കോ, പരപ്പ ബ്ലോക്ക് പഞ്ചായത്ത് ആരോഗ്യ വിദ്യാഭ്യാസകാര്യ സ്ഥിരം സമിതി അധ്യക്ഷ പത്മകുമാരി എം, പരപ്പ ബ്ലോക്ക് പഞ്ചായത്ത് മെമ്പര് രേഖ സി, പരപ്പ ബ്ലോക്ക് പഞ്ചായത്ത് മെമ്പര് ശ്രീലത പി വി, കള്ളാര് ഗ്രാമപഞ്ചായത്ത് മെമ്പര് അജിത് കുമാര് ബി, ജില്ല എജുക്കേഷന് &മീഡിയ ഓഫീസര് അബ്ദുള് ലത്തീഫ് മഠത്തില്, ഡെപ്യൂട്ടി ജില്ലാ എജുക്കേഷന് &മീഡിയ ഓഫീസര് ഹസീബ് പി പി , പെരിയ സി എച്ച് സി സൂപ്പര്വൈസര് ചന്ദ്രന് എം എന്നിവര് സംസാരിച്ചു. ജില്ലാ സര്വൈലന്സ് ഓഫീസറും ജില്ലാ മെഡിക്കല് ഓഫീസര് ഇന് ചാര്ജുമായ ഡോ. സന്തോഷ് ബി ജില്ലയില് ക്യാമ്പയിന്റെ ഭാഗമായി നടക്കുന്ന വിവിധ പരിപാടി കള് വിശദീകരിച്ചു. ബോധവല്ക്കരണത്തിന്റെ ഭാഗമായി നടത്തിയ സെമിനാര് എന് സി ഡി നോഡല് ഓഫീസര് രഞ്ജിത്ത് പി യും ക്വിസ് മത്സരം കാഞ്ഞങ്ങാട് സ്ത്രീകളുടെയും കുട്ടികളുടെയും ആശുപത്രി ജെ എച്ച് ഐ സിജോ എം ജോസും നേതൃത്വം നല്കി.എന് സി ഡി നോഡല് ഓഫീസര് ഡോ രഞ്ജിത് പി സ്വാഗതവും വെള്ളരിക്കുണ്ട് താലൂക്ക് ആശുപത്രി മെഡിക്കല് ഓഫീസര് ഡോ ഷിന്സി വികെ നന്ദിയും പറഞ്ഞു.